2014 جىلعى 31 ناۋرىز استانا قالاسى
2013-2014 وقۋ جىلىن اياقتاۋ جانە جالپى ءبىلىم بەرەتىن وقۋ ورىندارىنىڭ ءبىلىم الۋشىلاردىڭ قورىتىندى اتتەستاتتاۋىن وتكىزۋ تۋرالى
قازاقستان رەسپۋبليكاسىنىڭ «ءبىلىم تۋرالى» 2007 جىلعى 27 شىلدەدەگى زاڭىنىڭ 5-بابىنىڭ 14) تارماقشاسىنا سايكەس جانە 2013 - 2014 وقۋ جىلىن ۇيىمداسقان تۇردە اياقتاۋ, مەنشىك نىساندارىنا جانە ۆەدومستۆولىق باعىنىستىلىعىنا قاراماستان, جالپى ءبىلىم بەرەتىن وقۋ ورىندارى ءبىلىم الۋشىلارىنىڭ ارالىق جانە قورىتىندى اتتەستاتتاۋىن وتكىزۋ ماقساتىندا بۇيىرامىن:
1. وقۋ جىلىن اياقتاۋ جانە ءبىلىم الۋشىلارىنىڭ ارالىق جانە قورىتىندى اتتەستاتتاۋىن وتكىزۋدىڭ مىناداي مەرزىمدەرى بەلگىلەنسىن:
1) جالپى ءبىلىم بەرەتىن كۇندىزگى جانە كەشكى (كەزەكتى) وقۋ ورىندارىنىڭ بارلىق تۇرلەرىندەگى مەكتەپالدى,1-11(12)-سىنىپتاردا وقۋ ساباقتارى 2014 جىلعى 24 مامىردا اياقتالادى;
2) 5-8 (9), 10 (11)-سىنىپتارداعى ءبىلىم الۋشىلاردى ارالىق اتتەستاتتاۋ 2014 جىلعى 31 مامىرعا دەيىن وتكىزىلەدى;
3) نەگىزگى ورتا ءبىلىم بەرۋدىڭ جالپى ءبىلىم بەرۋ وقۋ باعدارلاماسىن مەڭگەرگەن 9(10)-سىنىپتاردىڭ جانە 12 جىلدىق ءبىلىم بەرۋدىڭ 10-ەكسپەريمەنتتىك سىنىپتارىنىڭ ءبىلىم الۋشىلارىن قورىتىندى اتتەستاتتاۋ 2014 جىلعى 30 مامىر - 14 ماۋسىم كۇندەرىندە, جالپى ورتا ءبىلىم بەرۋدىڭ ءبىلىم بەرۋ وقۋ باعدارلاماسىن مەڭگەرگەن 11 (12)-سىنىپ ءبىلىم الۋشىلارىن قورىتىندى اتتەستاتتاۋ 2014 جىلعى 31 مامىر - 20 ماۋسىم كۇندەرىندە وتكىزىلەدى;
4) نەگىزگى ورتا ءبىلىم بەرۋدىڭ جالپى ءبىلىم بەرۋ وقۋ باعدارلاماسىن مەڭگەرگەن 9(10)-سىنىپتاردىڭ جانە 12جىلدىق ءبىلىم بەرۋدىڭ 10-ەكسپەريمەنتتىك سىنىپتارىنىڭ ءبىلىم الۋشىلارى ءۇش مىندەتتى ەمتيحان جانە تاڭداۋ بويىنشا 1-2 پاننەن اۋىزشا ەمتيحان تاپسىرادى.
مىندەتتى ەمتيحانداردىڭ تىزبەسى, نىسانى جانە وتكىزۋ مەرزىمدەرى:
انا ءتىلى مەن ادەبيەتىنەن (وقىتۋ ءتىلى) جازباشا ەمتيحان - 30 مامىردا (گۋمانيتارلىق پاندەردى تەرەڭدەتە وقىتاتىن مەكتەپتەردىڭ جانە گيمنازيالاردىڭ ءبىلىم الۋشىلارى - شىعارما, قالعاندارى - ديكتانت جازادى);
الگەبرادان جازباشا ەمتيحان - 3 ماۋسىمدا;
ورىس, وزبەك, ۇيعىر, تاجىك تىلدەرىندە وقىتاتىن مەكتەپتەردەگى قازاق تىلىنەن اۋىزشا ەمتيحان - 7 ماۋسىمدا;
قازاق تىلىندە وقىتاتىن مەكتەپتەردەگى ورىس تىلىنەن اۋىزشا ەمتيحان - 7 ماۋسىمدا;
5) جالپى ورتا ءبىلىم بەرۋدىڭ جالپى ءبىلىم بەرۋ وقۋ باعدارلاماسىن مەڭگەرگەن 11(12)-سىنىپتاردىڭ ءبىلىم الۋشىلارىن قورىتىندى اتتەستاتتاۋ ۇلتتىق بىرىڭعاي تەستىلەۋ (بۇدان ءارى - ۇبت) نەمەسە مەملەكەتتىك ءبىتىرۋ ەمتيحاندارى نىسانىندا وتكىزىلەدى.
اعىمداعى وقۋ جىلىندا قازاقستان رەسپۋبليكاسىنىڭ جوعارى وقۋ ورىندارىنا وقۋعا تۇسكىسى كەلەتىن ءبىلىم الۋشىلاردى قورىتىندى اتتەستاتتاۋ ۇبت نىسانىندا 2014 جىلعى 1- 15 ماۋسىم كۇندەرىندە وتەدى.
وزبەك, ۇيعىر جانە تاجىك تىلدەرىندە وقىتاتىن مەكتەپتەردىڭ 11-سىنىپ وقۋشىلارى («التىن بەلگى» اتتەستاتى مەن ۇزدىك اتتەستات الۋعا ۇمىتكەرلەردى قوسپاعاندا) ءوز قالاۋلارى بويىنشا ۇبت تاپسىرۋعا قازاق نەمەسە ورىس تىلىندە قاتىسا الادى.
وقۋ بىتىرگەن جىلى قازاقستان رەسپۋبليكاسىنىڭ جوعارى وقۋ ورىندارىنا وقۋعا ءتۇسۋدى جانە ۇبت-گە قاتىسۋدى قالامايتىن جالپى ورتا ءبىلىم بەرۋ ۇيىمدارىنىڭ 11(12) - سىنىپ وقۋشىلارى ءتورت مىندەتتى جانە تاڭداۋ بويىنشا 1-2 پاننەن اۋىزشا مەملەكەتتىك ءبىتىرۋ ەمتيحاندارىن تاپسىرادى.
مىندەتتى ەمتيحانداردىڭ تىزبەسى, نىسانى جانە وتكىزۋ مەرزىمدەرى:
ورىس, وزبەك, ۇيعىر جانە تاجىك تىلدەرىندە وقىتاتىن مەكتەپتەردەگى قازاق تىلىنەن اۋىزشا ەمتيحان - 31 مامىردا;
قازاق تىلىندە وقىتاتىن مەكتەپتەردەگى ورىس تىلىنەن اۋىزشا ەمتيحان - 31 مامىردا;
انا ءتىلى مەن ادەبيەتىنەن (مەكتەپتەگى وقىتۋ ءتىلى) شىعارما تۇرىندە جازباشا ەمتيحان (كەشكى جالپى ءبىلىم بەرەتىن مەكتەپتەر ءۇشىن - ديكتانت) - 4 ماۋسىمدا;
الگەبرا جانە اناليز باستامالارىنان جازباشا ەمتيحان - 7 ماۋسىمدا;
قازاقستان تاريحىنان اۋىزشا ەمتيحان - 11 ماۋسىمدا.
2. وبلىستىق, الماتى جانە استانا قالالارىنىڭ ءبىلىم باسقارمالارى جالپى ءبىلىم بەرۋ ۇيىمدارىندا 2013 - 2014 وقۋ جىلىن وسى بۇيرىقتىڭ تالاپتارىنا, قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 18 ناۋرىزداعى № 125 بۇيرىعىمەن بەكىتىلگەن باستاۋىش, نەگىزگى ورتا, جالپى ورتا ءبىلىمنىڭ ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنداعى ءبىلىم الۋشىلاردىڭ ۇلگەرىمىنە اعىمدىق باقىلاۋدىڭ, ولاردى ارالىق جانە قورىتىندى اتتەستاتتاۋدىڭ ۇلگى ەرەجەسىنە سايكەس اياقتاۋدى قامتاماسىز ەتسىن (نقا مەملەكەتتىكي تىركەۋ تىزىلىمىندە № 5191تىركەلگەن).
3. الماتى, جامبىل جانە وڭتۇستىك قازاقستان وبلىستارىنىڭ, الماتى قالاسىنىڭ ءبىلىم باسقارمالارى وزبەك, ۇيعىر جانە تاجىك تىلدەرىندە وقىتاتىن مەكتەپتەر ءۇشىن جازباشا ءبىتىرۋ ەمتيحاندارىن وتكىزۋگە ارنالعان ەمتيحاندىق ماتەريالداردى 2014 جىلعى 24 مامىرعا دەيىن دايىنداسىن.
4. مەكتەپكە دەيىنگى جانە ورتا ءبىلىم دەپارتامەنتى (ج. ا. جونتاەۆا):
1) رەسپۋبليكالىق مامانداندىرىلعان جالپى ءبىلىم بەرۋ ۇيىمدارىنىڭ 9 (10) جانە 11(12)-سىنىپتارىنىڭ ءبىلىم الۋشىلارى ءۇشىن قازاق ءتىلى مەن ادەبيەتىنەن, ورىس ءتىلى مەن ادەبيەتىنەن, الگەبرادان, الگەبرا جانە اناليز باستامالارىنان ەمتيحاندىق تاپسىرمالار پاكەتتەرىن 2014 جىلعى 24 مامىرعا دەيىن دايىنداسىن;
2) قازاق ءتىلى مەن ادەبيەتىنەن شىعارما تاقىرىپتارىن تمد ەلدەرىنىڭ جانە موڭعوليانىڭ ءبىلىم مينيسترلىكتەرىنە 2014 جىلعى 30 ناۋرىزعا دەيىن جەتكىزسىن;
3) شىعارما تاقىرىپتارىن جاريالاۋ ءۇشىن 2014 جىلعى 30 ناۋرىزعا دەيىن «قازاقستان مۇعالىمى» جانە «ۋچيتەل كازاحستانا» گازەتتەرىنىڭ رەداكتسيالارىنا ۇسىنسىن;
4) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن;
5) وسى بۇيرىقتى مەملەكەتتىك تىركەۋدەن وتكىزىلگەننەن كەيىن بۇقارالىق اقپارات قۇرالدارىندا جاريالاسىن.
5. وسى بۇيرىقتىڭ ورىندالۋىن باقىلاۋ ۆيتسە-مينيستر ە.ن. يمانعاليەۆكە جۇكتەلسىن.
6. وسى بۇيرىق العاش رەت رەسمي جاريالانعان كۇنىنەن باستاپ قولدانىسقا ەنگىزىلەدى.
مينيستر ا. ءسارىنجىپوۆ.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 04 ساۋىردەگى نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9345 بولىپ ەنگىزىلدى.
