جىل باسىنان ازاماتتىق قارۋدى ساقتاۋ جانە قايتا تىركەۋ ەرەجەلەرىن بۇزۋدىڭ 562 فاكتىسى انىقتالدى. پوليتسياعا قارۋدى ءوز ەركىمەن تاپسىرۋ ناۋقانى بارىسىندا 23 بىرلىك قارۋ تاپسىرىلدى. قر اقبتك-ءنىڭ 482-بابى بويىنشا اينالىمىنان – زاڭسىز ساقتالعان 56 بىرلىك قارۋ تاركىلەندى. قر اقبتك-ءنىڭ 484-بابى بويىنشا 403 ادام اكىمشىلىك جاۋاپكەرشىلىككە تارتىلدى.
ماۋسىمنىڭ 13-ءى كۇنى ەسىل اۋدانى پوليتسيا ءبولىمىنىڭ قىزمەتكەرلەرى تۇنگى ساعات ءبىر شاماسىندا چەرۋنوۆكا اۋىلىندا GREAT WALL كولىگىن توقتاتتى. كولىكتىڭ سالونىندا ەكى دانا اڭشىلىق قارۋ بولعان. ونىڭ ءبىرى تىركەلمەگەن. پەتروپاۆل قالاسىنىڭ 44 جاستاعى ازاماتىنا تىركەلمەگەن توز-63, 16 كاليبرلى اڭشى مىلتىعىن ساقتاعانى ءۇشىن حاتتاما تولتىرىلدى. ول قر قىلمىستىق كودەكسىنىڭ 484-بابىنىڭ 1-بولىگىمەن اكىمشىلىك جازا ارقالادى. قارۋ ساراپتاماعا جىبەرىلدى.
«بارلىق قارۋ يەلەرىن قارۋدى ساقتاۋ ەرەجەلەرىن قاتاڭ ساقتاۋعا شاقىرامىز. ەستەرىڭىزدە بولسىن, بۇل زاتتارعا جاۋاپسىزدىقپەن قاراۋ اۋىر زارداپتارعا اكەلۋى مۇمكىن. ءوز ەركىمەن تاپسىرۋ ءۇشىن ۋچاسكەلىك ينسپەكتورلارعا جۇگىنۋ قاجەت نەمەسە 102 ارناسىنا حابارلاسۋ كەرەك», دەپ اتاپ ءوتتى سقو پد اكىمشىلىك پوليتسيا باسقارماسىنىڭ باستىعى سەرىك ءالجانوۆ.
ايانا توعانبەك
