«كەيبىر ازاماتتارىمىز رەفەرەندۋم كەزىندە مەملەكەتتىڭ اتاۋى دا وزگەرۋگە ءتيىس ەدى دەگەن پىكىر ايتىپ ءجۇر. ولار «قازاقستان» اتاۋىنداعى «-ستان» ءسوزىن ەلىمىزگە دە, بۇكىل ازياعا دا جات ۇعىم دەپ سانايدى. مۇنى دا قيسىندى دەپ ايتۋعا بولمايدى. سەبەبى, الەمدە ءدال وسىنداي پاكىستان, ءۇندىستان, اۋعانستان جانە ورتالىق ازيا مەملەكەتتەرى بار», دەدى پرەزيدەنت.
مەملەكەت باسشىسىنىڭ ايتۋىنشا, مەملەكەتىمىزدىڭ اتاۋىن وزگەرتۋ - جاۋاپسىز شەشىم.
«ەڭ باستى ماسەلە, ءبىز تاۋەلسىز ەلىمىز – قازاقستان رەسپۋبليكاسى اتىنان 30 جىل ىشىندە كوپتەگەن حالىقارالىق كەلىسىمشارتتارعا قول قويدىق, مەملەكەتتىك شەكارامىزدى بەكىتتىك. وسىنداي جاعدايدا مەملەكەتىمىزدىڭ اتاۋىن وزگەرتۋ جاۋاپسىز شەشىم بولار ەدى. بۇل – ەڭ الدىمەن, ۇلتتىق قاۋىپسىزدىگىمىزگە جانە حالقىمىزدىڭ بەيبىت ومىرىنە تىكەلەي اسەرى بار وتە ماڭىزدى ماسەلە», دەپ تۇيىندەدى قاسىم-جومارت توقاەۆ.
