– بۇرىن اتىراۋ قالاسىندا بىرجىلدىق پەتۋنيا مەن بارقىت ءشوپ ەگىلۋشى ەدى. ەندى بيىل كوپجىلدىق راۋشان گ ۇلى مەن گيبيسكۋس ەگۋدى قولعا الدىق. بۇل قىستا – 25 گرادۋس ايازعا ءتوزىمدى, اپتاپ ىستىققا شىدامدى كەلەدى. قازىر فرانتسۋزدىق راۋشان گ ۇلى م.وتەمىس ۇلى اتىنداعى اكادەميالىق قازاق دراما تەاترىنىڭ الدىندا, فاريزا وڭعارسىنوۆا ەسكەرتكىشىنىڭ ماڭىندا, ح.دوسپانوۆا اتىنداعى اۋەجايدا, «يساتاي-ماحامبەت» ورتالىق الاڭى مەن «الماگۇل» شاعىن اۋدانىندا ءوسىپ تۇر, – دەيدى لەونيد زادەرنىي.
ونىڭ ايتۋىنشا, كوپجىلدىق راۋشان گ ۇلى مەن گيبيسكۋستى ەگۋ ارقىلى قارجى دا, ۋاقىت تا ۇنەمدەلگەن. بۇرىن شىمكەنت پەن تاشكەنت قالالارىنان راۋشان گ ۇلىنىڭ ءار تالى 500-700 تەڭگەدەن ساتىلىپ الىنعان. بىراق گۇلدىڭ دەنى جەرسىنبەگەن.
– اتىراۋدىڭ توپىراعى سورتاڭ بولعاندىقتان, گۇلدىڭ تامىر جايۋى قيىن. ونىڭ ۇستىنە بۇل ءوڭىردىڭ اۋا رايى قۇبىلمالى بولادى. قىس مەزگىلىندە ءۇسىپ كەتپەس ءۇشىن ءار ءتۇپ گۇلدىڭ بەتىن جابۋ كەرەك. گۇل دە كليماتقا بوي ۇيرەتە الماي, «اۋىرىپ» قالادى, – دەيدى جوبا جەتەكشىسى.
قازىر 60 ادام اتىراۋ قالاسىنداعى راۋشان گ ۇلىن كۇتىپ-باپتايدى. ەندى جىل سايىن 18 مىڭ راۋشاننىڭ سانى كوبەيۋى مۇمكىن.
اتىراۋ وبلىسى
