سۇحبات • 15 ماۋسىم، 2022

قازاقتىڭ قارساقباەۆى قاشان قۇرمەتتەلەدى؟

2656 رەت كورسەتىلدى

سوقپاقباەۆ-قارساقباەۆ تاندەمىنەن تۋعان «مەنىڭ اتىم قوجانىڭ» باس كەيىپكەرىنە استانا تورىنەن ەسكەرتكىش ورناتىلۋىن قوعام وڭ قابىل­دادى. اشىعىن ايتقاندا، ابدول­لا قارساق­باەۆ پەن بەردىبەك سوقپاق­باەۆتىڭ كەيىپكەرى وزدەرىنەن بۇرىن تورگە وزدى، قوس دارىننىڭ ەلەنبەي كەتكەن جارقىن بەينەسى الدىندا تاعزىم، وتەلمەي قالعان پارىزى رەتىندە قابىلداندى. ولاي دەۋگە دە نەگىز جوق ەمەس. قازاققا كانن فەستيۆالىنىڭ باس جۇلدەسىن الىپ بەرگەن بەلگىلى تۇلعالاردىڭ كوزى تىرىسىندە تاسادا قالعانى، تاسادا قالدىرعىسى كەلەتىندەردىڭ كوپ بولعاندىعى تۋرالى اڭگىمەلەر كۇنى بۇگىنگە دەيىن ايتىلادى. ءبىز وسى ورايدا ابدوللا قارساقباەۆتىڭ كەلىنى، بەلگىلى پروديۋسەر مايرا قارساقباەۆامەن سۇحباتتاسقان ەدىك.

ا

 

سۋرەتكەرگە قارسىلىق ءالى دە سەزىلەدى

 

– مايرا حانىم، قوجاعا ەسكەرتكىش ورناتىلعانى تۋرالى جاڭالىقتى قار­­­ساق­باەۆتار وتباسى قالاي قابىل­دادى؟

– ەسكەرتكىش ورناتىلسا دەگەن ارمان بۇرىن تەك تىلەك دەڭگەيىندە عانا ءجۇردى. ال ءسۇيىنشى جاڭالىقتى بىزگە بىرىنشە بولىپ پرەزيدەنتتىڭ بۇرىنعى ءباسپاسوز حاتشىسى بەرىك ءۋالي حابارلادى. ارينە، بۇل ءبىز ءۇشىن كۇتپەگەن سىي بولدى. اسىرەسە، انامىز قاتتى قۋاندى. اراعا قانشا جىل سالىپ، اتامىزدىڭ ماڭگى وشپەس كەيىپكەرىنىڭ ەسكەرتكىشكە اينالۋى – رەجيسسەر شىعارماشىلىعىنا دەگەن ۇلكەن قۇرمەتتىڭ ءبىر بەلگىسى. ويت­كەنى وسى ۋاقىتقا دەيىن ابدوللا قارساق­باەۆتىڭ ەلەنبەي كەلە جاتقانى بەلگىلى.

– كانن فەستيۆالىنىڭ ارنايى سىي­لىعىن العان العاشقى قازاقتى كىم ەلەمەۋى مۇمكىن ەدى؟

– ءبارىن قازاقتىعىمىزعا سالامىز عوي. كوپكە دەيىن مەن مۇنى قازاقتىڭ ىشىندە بولماي قالمايتىن قۇبىلىس دەپ قابىلدادىم. ءتىپتى اسپاندا ءبىر شوق جۇلدىز پايدا بولسا، سونىمەن ءبىر مەزگىلدە جارىعىن السىرەتۋگە تىرىساتىن ەكى جۇلدىز پايدا بولادى ەكەن. سودان كەيىن، انەبىر جىلدارى گەرولد بەلگەر ءبىر اڭگىمەسىندە شىن تالانتقا كەدەرگى كەلتىرگەندەردەن قۋات كەتكەن سوڭ، كوزى تىرىسىندە ايتىلعان ءشوپ-شالام اڭگىمە قۋراپ قالعان سوڭ، بار بولمىسىمەن جارقىرايدى دەگەن بولاتىن. اتامىزدىڭ و دۇنيەلىك بولعانىنا 30 جىلدان اسىپ بارادى. كوزى تىرىسىندە ايتىلعان ءشوپ-شالام اڭگىمە ەندىگى قۋرايتىن ۋاقىت بولدى. بىراق قارسىلىقتىڭ ىزعارى ءار-ءار جەردەن سەزىلىپ قالادى. انامىزدان، ياعني ابدوللا قارساقباەۆتىڭ جارىنان ءوزىم قىزمەت كورسەتىپ ۇلگىرمەگەن اتامىز جايلى كوپ ەستىدىم.

– سوندا كوزى تىرىسىندە قوعامنان كوپ شەتتەتىلگەنى شىن اڭگىمە عوي؟

– ءتىپتى وسى كانن سىيلىعىن تابىستاۋ راسىمىنە دە ءوزىن جىبەرمەي قويعان. ال «مەنىڭ اتىم قوجانىڭ» وسىنداي فەستيۆالدەن ماراپات الىپ، وعان كسرو-دان كىسى بارىپ قاتىسقانىن رەجيسسەردىڭ ءوزى ءبىراز ۋاقىت وتكەن سوڭ، راديودان ەستىگەن ەكەن. بىزدە سول كەزدەن قالعان رەسەيلىك باسىلىمداردىڭ كوشىرمەسى بار. «قوجاعا» باستى ءرولدى سومداعانى ءۇشىن قوماقتى اقشالاي ماراپات تا جىبەرىپتى. سول كانن فەستيۆالىنەن كەيىن بولليۆۋدتىڭ بەلگىلى رەجيسسەرى رادج كاپۋر دا قارساقباەۆتىڭ تۋىندىسىنا وڭ باعا بەرىپ، بىرگە جۇمىس ىستەۋگە ىقىلاس تانىتىپتى. ءتىپتى ماسكەۋدەگى ءۇندىستاننىڭ ەلشىلىگى ارقىلى شاقىرتۋ جىبەرگەن. بىراق قارساقباەۆتىڭ بىرنەشە جىل بۇرىن «قايتىس بولىپ كەتكەنىن» حابارلاعان جاعدايلار دا بولعان. ءومىر قىزىق قوي، 1970 جىلدارى تاشكەنتتە وتكەن ازيا، افريكا جانە لاتىن امەري­كاسى ەلدەرىنىڭ حالىقارالىق كينو­فەستيۆالىندە رادج كاپۋر مەن ابدوللا قارساقباەۆ كەزدەيسوق جولىعىپ قالىپ، ءۇندى رەجيسسەرى ەستىگەن حابارىن ايتىپ تاڭعالعان. وسىنىڭ ءوزى-اق ابدوللا قارساقباەۆتىڭ «تىلەۋلەستەرى» از بولما­عانىن بىلدىرەدى. ءوزى «ارتىمدا حالقىم بار» دەگەن ءسوزدى ءجيى ايتىپتى. قيىندىقتارعا مويىماعانى دا سول حالقىنا دەگەن سەنىمىنەن شىعار.

ا

– رەجيسسەردىڭ ءوزى دە مىنەزدى بولعانى جايلى دەرەكتەر ەستەلىكتەردە ايتىلىپ قالادى. سوندا اياقتان شالعاندار بيلىكتەگىلەر ەمەس، قاسىنداعىلار بولىپ تۇر عوي...

– قيىن ساۋال.. ايتسە دە، ايتايىن، تالانتتى تۇلعانىڭ ساعىن سىندىرعىسى كەلگەندەر كوپ بولعان. ارينە، ەندى ولاردى اتاپ ايتقاننان ءمان جوق. بىراق ابدوللا قارساقباەۆتى كينو الەمىنەن شەتتەتكىسى كەلگەندەر قازىر حالىقتىڭ ىقىلاسىنا بولەنىپ ءجۇر. كورەالماۋشىلىق قازاقتىڭ قانىنا ءسىڭىپ كەتكەندەي. اتامىز سونىڭ ءبارىن جۇرەككە جيناعان سەكىلدى. ول كەزدە قوعامنان شەتتەتىلىپ جاتساڭ، كىمگە بارىپ جان سىرىڭدى ايتاسىڭ؟ جولداستارى دا ساناۋلى بولعان.

– ەل ىشىندە ابدوللا قارساقباەۆ پەن نۇرعيسا تىلەنديەۆتىڭ دوستىعى تۋ­را­لى اڭىزعا بەرگىسىز ءاپسانالار ءجيى ايتىلادى.

– ەندى، ءسىز ايتپاقشى ەكەۋى دە مىنەز­دىلەردىڭ قاتارىنان بولعان عوي... ءبىر-بىرىنە باتىل سىن ايتا بىلگەنىن، ونى ەكەۋى دە كوتەرە العانىن اپامنان ەستىدىم. بىرگە وقىعاندىعى، جەرلەستىگى تاعى بار. ولاردىڭ اراسىنداعى شىعارماشىلىق تالاس-تارتىس تا بولىپ تۇرادى ەكەن. بىراق ىلعي ادامگەرشىلىككە سالىپ، ىمىراعا كەلىپ وتىرعان. فيلمدەرىنە نۇرعيسا تىلەنديەۆتىڭ مۋزىكا جازۋى دا سول ءتىل تابىسا جۇمىس ىستەي العاندىعى شىعار.

 

قوجا – رەجيسسەر مەن جازۋشىنىڭ جۇرەك ەلەگىنەن وتكەن كەيىپكەر

– قازىر كينو سالاسىندا بالالارعا ار­­نال­­عان تۋىندى­لار كەن­­­­­جەلەپ قالدى. سوڭ­عى ونجىل­دىق بەدە­رىن­­­دە شىق­قان بالالار تا­قىرىبىنداعى كينولار ەسىمە تۇسپەي تۇر...

– بۇل دا مەنى وي­لان­­دىرادى. كەيدە قا­­زاق جازۋشىلارى، رە­جيسسەرلەرىنىڭ كوكەيىندە جۇرگەن، بالالار تۋرالى تۇسىرسەم دەپ جۇرگەن بالالار بەينەسىن «قوجا» ءبىر وزىنە جيناپ العان ءتارىزدى اسەر ەتەدى.

ۆ

– قاراڭىزشى، قوجا وزات وقۋشى، اقىلدى، سونىمەن ءبىر مەزگىلدە مىنەزدى، قىرسىق. ءتىپتى بۇگىنگىنىڭ بالاسى ونىڭ بولمىسىنان ءوزىنىڭ مىنەزىن تانيدى...

– كەز كەلگەن رەجيسسەر، ستسەناريستىڭ ءونىمى، جاساعان ەڭبەگى، جەمىسى اۆتور ءوزىنىڭ دەڭگەيىندە عانا بولادى، ودان اسا المايدى. جوعارى ساپالى فيلم ءتۇسىرۋ ءۇشىن شەبەرلىكتىڭ شىڭىنا جەتۋى كەرەك. ابدوللا قارساقباەۆتىڭ پاراساتى، دالالىق رۋح، ۇلتتىق بوياۋدى سىڭىرگەندىگى قازاق كينوسى ءۇشىن ۇلكەن ولجا بولدى. ول – حالىقتىڭ ادامى ەدى. كىتاپتى كوپ وقىعان، الاشوردانىڭ تاريحىنان تولىق حاباردار بولعان. الاش تاقىرىبىن ساباق رەتىندە دە ايتىپ وتىرادى ەكەن. ءبىلىم الۋ، ءسىڭىرۋ ءبىر بەلەس بولسا، حالىقتى شىن جاقسى كورۋ – ول تىپتەن بولەك. ول كىسىنىڭ كاسىبي ىرگەتاسى دا جاقسى قالىپتاسقان ەدى. قانشا دەگەنمەن، ماسكەۋدە جەتىك ءبىلىم الىپ كەلگەنى سەپ قوي. سول جاقتا ۇلكەن ادامداردان ءبىلىم الدى. جان-جاقتى بولعان عوي. تاريحتى ءبىلۋى، حالقىن ءسۇيۋى، كاسىبي ءبىلىمى بىرىنەن ءبىرى ءوتىپتى. قازىرگى رەجيسسەرلەردە وسى ءۇش قاسيەت قوسىلماي تۇر. ءبىرى بولسا، ءبىرى جەتپەي تۇرادى.

– «بالا بولىپ كورمەگەن» ادامنىڭ بالالارعا ارنالعان ولمەس تۋىندى جا­ساۋىندا نە سىر بار؟

– ءيا، ول كىسىدە بالالىق شاق بولماعان. وتباسىلىق ارحيۆتە ءوز قولىمەن جازىپ قالدىرعان اۆتوبيوگرافياسى بار. 16 بالانىڭ ىشىندە امان قالعان جالعىز تۇياق. اشارشىلىقتىڭ زاردابىن تارتتى. ارمانىنداعى الاڭسىز بالالىق شاقتى قيالىنا قانات ءبىتىرىپ، ەكران ارقىلى سومدادى. بالكىم، ءوزىنىڭ بىز­گە بەلگىسىز بولمىسىن قوجا بەينەسى ار­قى­لى بەردى مە؟ «جۇرەكتەن شىقپاعان جۇ­رەككە جەتپەيدى» دەگەن اتالى ءسوز بار. قو­جا – قارساقباەۆ پەن سوقپاقباەۆتىڭ جۇرە­گىنەن شىعىپ بارىپ بىزگە جەتكەن كەيىپكەر.

– قارساقباەۆ ومىردە قانداي ادام بولدى...

– قانشا قيىندىق كورسە دە، تاعدىر ونى قاتايتپاعان. قاتال بولماعان. با­لالاردى قاتتى جاقسى كورگەن ەكەن. رەجيس­سەرلىق ومىرىندە دە سولاي. ديري­جەر وركەستردى قالاي باسقارسا، رەجيسسەر دە ءبارىن سولاي ۋىسىندا ۇستاعان.

785

 

ەڭبەكتىڭ لايىقتى باعالانعانى ءجون ەدى

– كۇيەۋىڭىز توقتار قارساقباەۆ اكە جولىن جالعادى. ءسىز دە تانىمال پرو­ديۋسەرسىز. ال اتاسىنىڭ جولىن قۋعان نەمەرەلەرى بار ما؟

– ۇلىمىز مۇسا كىشكەنتاي كەزىندە كينوعا ءتۇستى. رەجيسسەر بولا ما، جوق پا، ول جاعىن بىلمەيمىن. اكتەرلىك دارىنى بار. بىراق كومپيۋتەرلىك باسقارۋ جاعىنا بۇيرەگى بۇرا بەرەدى. كاناداعا بارامىن دەپ جوسپارلاپ وتىر. توقتار باياعىدان كينو جاعىندا. بالكىم، مۇسانىڭ بالاسى كينوعا كەلەر. تەك پەن قان دەگەن جىبەرمەيدى ەمەس پە؟ ال ءوزىم قازىر تۇرىك فيلمدەرىن وسى جاقتا پروكاتقا شىعارامىن. سوسىن ءۇندى كينوسىن وسى جاقتا تۇسىرۋمەن اينالىسامىن.

– وسى كۇنگە دەيىن ابدوللا اعانى ار­داقتاۋ باعىتىندا قانداي جۇمىستار اتقا­رىلدى؟

– مەن وسى اۋلەتكە كەلگەنگە دەيىن دە، كەل­­گەن­نەن كەيىن دە جۇمىس توقتاعان ەمەس. ماسەلەن، 2004-2005 جىلدارى ۇكى­مەت باسشىسىنا حات جازدىق. كەزىندە ءۋالي­حان قاليجانوۆ، شەرحان مۇرتازا، فاري­زا وڭعارسىنوۆالار دەپۋتاتتىق ساۋال دا جولدادى. ويتكەنى سول ۋاقىتقا دەيىن ابدوللا قارساقباەۆتىڭ اتىندا ەشقانداي كوشە، نە مەكتەپ اتاۋى بولماپ ەدى. ناتيجەسىندە، الماتىداعى اقبۇلاق شاعىن اۋدانىنداعى كوشەگە، سوسىن مەكتەپكە دە اتى بەرىلدى. كىشكەنتاي كوشە بولسا دا، بالاشا قۋاندىق. ودان كەيىن «قوجانىڭ» 50 جىلدىعى قارساڭىندا «قازاقفيلمنىڭ» بۇرىنعى ديرەكتورى ەرمەك امانشاەۆ تا كوپ كومەكتەستى.

– ال مەملەكەت تاراپىنان قانداي قولداۋ تاپتىڭىزدار؟

– قولداۋ دەۋگە كەلمەس... ءبىز كومەك سۇراعان جەرلەر ءبىر-بىرىنە سىلتەيدى دە، سوڭى سيىرقۇيىمشاقتانىپ كەتە بارادى. 2018 جىلى لوندوندا وتەتىن «ەۋرازيا» كينوفەستيۆالىندە «مەنىڭ اتىم قوجا» ءفيلمىن كورسەتۋدى ۇيعاردىق. دۋبلياج جاساۋعا قارجى ىزدەدىك. وكىنىشكە قاراي، قارجى تاپپادىق، سۇراعان جەرلەرىمىز باس تارتىپ جاتتى. ءوز قالتامىزدان قاراجات شىعارىپ، اعىلشىنشاعا اۋدارۋعا تۋرا كەلدى. اقش-تاعى ستۋديادا مەكتەپتىڭ اكتەرلىك شەبەرلىك سىنىبىندا وقيتىن ستۋدەنتتەرمەن بىرلەسە دۋبلياج جاساپ شى­عاردىق. قىزىقتى قاراڭىز، دۋبلياج جوعا­رى دەڭگەيدە جاسالعانىمەن، ۆيدەو ساپا­سى وتە ناشار بولدى. ساپالى دۇنيە شى­عۋى ءۇشىن بار مۇمكىندىكتى قاراس­تىر­دىق. «قازاقفيلمگە» دە سۇراۋ سالىپ، رەسمي حات جولدادىق. جاۋاپسىز قال­دى. سول ساپاسىز كۇيىندە لوندوندا كورسەتتىك.

– سوندا قازاق كينەماتوگرافيا­سىنىڭ جاۋھارلارى تسيفرلى فورمات­قا كوشىرىلمەي قالعان با؟

– بۇل – ءالى دە بيلىك تاراپىنان تە­رەڭ زەرتتەلۋگە ءتيىس تاقىرىپ. ويتكەنى ماس­كەۋدە كسرو كەزىندە تۇسىرىلگەن فيلم­دەردىڭ تۇپنۇسقاسى ساقتالعان «ال­تىن قور» بار. بىراق بۇرىن مادەنيەت سالاسىنىڭ باسى-قاسىندا جۇرگەندەر «قازاقفيلم» تۋىندىلارىن «تۇپنۇسقاسىنان ساپالى تسيفرلى فور­ماتقا كوشىرۋ ءۇشىن» ۇكىمەتتەن 5 ملن دوللار العان دەگەن اڭگىمە ايتىلىپ قالادى. سوسىن «قازاقفيلمنىڭ» وزىندە ساقتالعان بىرنەشە كوشىرمەنى ساندىق جۇيەگە كوشىرە سالعان. ءبىز ماسكەۋدەگى قوردىڭ وزىنە حابارلاسىپ سۇرادىق. ولار «قازاقفيلم» دە، مينيسترلىك تە حابارلاسپاعانىن، تۇپنۇسقادان تسيفر­لاندىرۋ تۋرالى ەشقانداي كەلىسىمشارت جاسالماعانىن ايتتى. نە ساپا جوق، نە بولىنگەن قارجى جوق، نە ودان ەسەبىن العان ەشكىم بولعان جوق. قورداعى ءبىر ءفيلمنىڭ تسيفرلاندىرىلۋىنا 1-1،5 ايداي ۋاقىت كەتەدى. قۇندى ماتەريال بولعان سوڭ، ءار كادرىن باقىلاپ وتىرۋ كەرەك. سوندىقتان دا قۇنى قىمبات، شامامەن 55 ملن تەڭگە.

رەجيسسەردىڭ 8 ءفيلمىن دە، اتاپ ايتساق: 1982 جىلى شىققان «بالالىقتىڭ كەرمەك ءدامi» ءفيلمى، 1979 جىلى شىققان «دالاداعى قۋعىنى»، 1976 جىلى شىققان «الپامىس مەكتەپكە بارادى» ءفيلمى، 1974 جىلى شىققان «وۋ، كوۆبويلار!» ءفيلمى، 1971 جىلعى ء«بىزدىڭ عاني» تۋىندىسى، 1968 جىلى شىققان «بالالىق شاققا ساياحاتى»،1966 جىلعى «قيلى كەزەڭى» مەن 1963 جىلى قالىڭ كورەرمەنگە جول تارتقان «مەنىڭ اتىم قوجا» ءفيلمىن تۇپنۇسقاسىنان تسيفرلىق فورماتتاعى كوشىرمە الۋ - باستى تىلەگىمىز. ول ەلىمىزدىڭ «التىن قورىنا» اكەلىنىپ، وزىمىزدە ساقتالۋى ءتيىس دۇنيە.  

– نەگە بۇل جونىندە ءتيىستى جەرلەرگە حابار بەرمەدىڭىزدەر؟

– قورىقتىم. ول كەزدەرى مينيستر مىرزانىڭ ابىروي-بەدەلى دۇركىرەپ تۇرعان ەدى. ودان كەيىن قىزمەتىنەن كەتتى. بىراق مينيستر بولماسا دا قولى ۇزىن ادام، ماعان كىم سەنەر ەدى؟ سوسىن تاعدىرىما بالتا شابىلا ما دەپ تە قورقاسىڭ. كەيىننەن «قازاقفيلمنىڭ» «وتىراردىڭ كۇيرەۋى» ءفيلمىن دە تسيفرلاندىرماق بولعانىن ەستىدىك. بارىپ سۇراساق، جولاتپادى. مۇمكىن ساپاسىز دۇنيەنى كورسەتۋگە ۇيالعان شىعار؟ بۇل جونىندە دە تالاي حات جازىلدى. باق بەتىندە ايتىلدى دا. بەلگىلى جۋرناليست، قازىرگى سەنات دەپۋتاتى دانا نۇرجىگىت تە بۇل ماسەلەنى كوتەرۋگە سەپتەستى. مينيسترلىك تاراپىنان ەشقانداي جاۋاپ بولمادى. جانايقايىڭدى جازاسىڭ، ءتيىستى جەرىنە جەتپەي، جارتى جولدا حاتىڭ جوعالىپ كەتەدى. وسىنداي ۇلكەن ماسەلەگە كەشە عانا وقۋ ءبىتىرىپ كەلگەن الدەبىر جاس ما­مان­دى ورىنداۋشى ەتىپ قويادى. مەن مۇنى قازاق كينو قورىنىڭ ەرتەڭىنە جانى اشى­ماعاندىق دەپ بىلەمىن. ويتكەنى ول تاسپالاردى تاعى 10 جىلدان كەيىن تسيفرلاندىرۋ بۇگىنگىدەي ساپا بەرمەۋى مۇمكىن.

– ابدوللا قارساقباەۆتىڭ اتىندا مۋزەي بار ەكەن. ول قايدا ورنالاسقان؟

– اتانىڭ قولدانعان زاتتارى، فيلمدەرىنەن ەستەلىكتەرى، جەكە دۇنيە­لەرى، فوتوسۋرەتتەرى ءبىر مۋزەيگە جەتپەسە، كەم ەمەس. دەسە دە، ونىڭ اتىندا مۋزەي بار دەپ اۋىز تولتىرىپ ايتۋعا كەلمەس. ءوزىمىز سۇراپ ءجۇرىپ، جەتكەنىمىز عوي. ءبىر مەكتەپتىڭ ىشىندەگى كوركەمدىك بۇرىش ىسپەتتى. مەرەيتويلارىندا بارىپ تۇرامىز. رەتى كەلگەندە نۇر-سۇلتان نەمەسە الماتى قالالارى ورتالىق مۇرا­جايىنان قارساقباەۆقا ارنالعان كىش­كەنە بۇرىش اشىلسا ەكەن دەيمىن. سوندا اتامىزدىڭ ارتىندا قالعان مۇرالار كوپتىڭ نازارىنا ۇسىنىلار ەدى...

چپ

– مەرەيتويى دەمەكشى، 2016 جىلى اتامىزدىڭ 90 جىلدىعى نەگە توي­لانبادى؟

– ءبىز ءبىر جىل بۇرىن ءتيىستى ورىنداردى جان-جاقتى حاباردار ەتىپ، ۇسى­نىس جاسادىق. ادەتتەگىدەي ەلەگەن ەش­كىم بولمادى. ەڭ بولماسا، قولداعى ول تۋرالى قىزىق دەرەكتەر مەن اڭگىمە­لەردەن، ەستەلىكتەردەن تۇراتىن كىتاپ شىعارعىمىز كەلگەن، رەتى كەلمەدى.

– ەندىگى ءتورت جىلدا 100 جىلدىعى كەلە جاتىر. دايىندىق تۋرالى نە ايتاسىز؟ بالكىم، يۋنەسكو شەڭبەرىندە تويلاۋ تۋرالى ۇسىنىستىڭ ايتىلار كەزى كەلگەن شىعار..

– ءيا. تاعى دا اتالماي قالا ما دەگەن الاڭ كوڭىل بار. بۇل ارمان انامىزدى دا تولعاندىرادى. قازاققا قالدىرعان تۋىندىلارى ءالى كۇنگە كورەرمەنىن جوعالتقان ەمەس. ءسىز ايتپاقشى كەيىپكەرلەرى تورگە وزدى. ال وزدەرى... تىرىسىندە لايىق قۇرمەت كورە المادى. ودان كەيىن دە ايتەۋىر اتى ۇلكەن مىنبەرلەردە كوپ اتالا بەرمەدى. 100 جىلدىعىن ەل بولىپ، دۇركىرەپ اتاپ وتسە دە ارتىق ەمەس. يۋنەسكو كولەمىندە تويلانسا ەكەن دەگەن تىلەگىمىز بار. ول ءۇشىن پرەزيدەنت نازارىنا الىنسا قۇبا-قۇپ. ءالى ەشكىم قولىنا الىپ، اتاپ ايتىپ جاتقان جوق. ماسكەۋدەن ءوزى تۇسىرگەن 8 ءفيلمدى تۇپنۇسقاسىنان تسيفر­لاندىرىپ، ويدا جۇرگەن كىتابىن ساپالى ەتىپ شىعارعىمىز كەلەدى. بۇل اتانىڭ ءجۇز جىلدىعىنا ۇلكەن سىي بولار ەدى. ارقالاعان اماناتىمىز دا، العا قويعان ماقساتىمىز دا وسى.

– اڭگىمەڭىزگە راحمەت.

P.S. اسىرا ايتقاندىق ەمەس، كۇللى قازاقتى تاربيەلەگەن ۇلت ماقتانىشى – ابدوللا قارساقباەۆتىڭ تۋىندىلارى قازاقتىڭ بولمىسىن كينو الەمىندە تاڭبالاپ كەتتى. ومىرشەڭ. وندا وزىندىك سىر بار. ول سىر قارساقباەۆتىڭ فيلمدەرىنەن قازاقى بوياۋ، حالىقتىق پەداگوگيكا، دالالىق رۋح پەن ۇلتتىق تاربيە توگىلىپ تۇر. ول سىر – قارساقباەۆتىڭ كەڭەستىك كەزەڭدەگى قىسىمعا قاراماستان، حالىقتىڭ قينالىسىن، قازاقتىڭ ءور رۋحىن ءوز فيلمدەرى ارقىلى جەتكىزىپ وتىرعاندىعىندا دا بولسا كەرەك. ونىڭ ومىرشەڭ كەيىپكەرلەرى باردا، قازاق كينوسى دا، قازاقتىڭ قارساقباەۆى دا ولمەيدى. حالقى باردا، ۇلى رەجيسسەر ۇلىقتالا دا بەرەدى. تەك، الەم مويىنداعان تۇلعانىڭ 100 جىلدىق تويى دۇبىرلەپ وتسە، كوزى تىرىسىندە قۇرمەت كورە الماي كەتكەن الاشتىڭ ۇلى ابدوللا قايتا دۇنيەگە كەلگەندەي قۋانىش بولماس پا ەدى؟! 

سوڭعى جاڭالىقتار

الماتى ماڭىندا جەر سىلكىندى

ايماقتار • بۇگىن، 10:02

جاس تەننيسشىلەرمەن كەزدەسۋ

تەننيس • بۇگىن، 07:47

جاس عالىمنىڭ جەتىستىگى

عىلىم • بۇگىن، 07:43

ۇقساس جاڭالىقتار