باعالاۋ قورىتىندىسى بويىنشا ءبىزدىڭ ەلىمىز ءۇشىن سىبايلاس جەمقورلىققا قارسى ءىس-قيمىل شارالارىنىڭ تيىمدىلىگىن ارتتىرۋعا 27 ۇسىنىم باعىتتالعان. بۇل ۇسىنىمدار 2022 جىلعى 21-25 ناۋرىز ارالىعىندا گرەكو-نىڭ پلەنارلىق وتىرىسى اياسىندا بەكىتىلگەن. ولار امبەباپ سيپاتقا يە جانە ەۋروپا كەڭەسىنىڭ ستاندارتتارىنا نەگىزدەلىپ سىبايلاس جەمقورلىققا قارسى كونۆەنتسيالار مەن باسقا دا قۇقىقتىق قۇرالدارمەن بەلگىلەنگەن.
اتالعان ۇسىنىستاردىڭ ەداۋىر بولىگى مەملەكەت باسشىسى جاقىندا بەكىتكەن 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىندا قاراستىرىلعان.
گرەكو ازاماتتىق قوعامنىڭ شەشىم قابىلداۋعا قاتىسۋىنىڭ, سوت پەن قۇقىق قورعاۋ ورگاندارىنىڭ ساياسي ىقپالدان تاۋەلسىزدىگىن ارتتىرۋىنىڭ, مەملەكەتتىك اپپاراتتا, ونىڭ ىشىندە ساياسي قىزمەتشىلەردى جالداۋ جانە جوعارىلاتۋ كەزىندە مەريتوكراتيانى قامتاماسىز ەتۋىنىڭ ماڭىزدىلىعىن اتاپ ءوتتى.
گرەكو ستاندارتتارىن ەنگىزۋى قازاقستاننىڭ سىبايلاس جەمقورلىققا قارسى جۇيەسىن جاڭا دەڭگەيگە شىعارۋعا ىقپال ەتەدى جانە ەۋروپالىق ەلدەرمەن, ونىڭ ىشىندە اكتيۆتەردى ەكستراديتسيالاۋ جانە قايتارۋ جەلىسى بويىنشا ىنتىماقتاستىقتى كۇشەيتەدى دەپ كۇتىلۋدە.
ەۋروپا كەڭەسى گرەكو ۇسىنىمدارىن جۇزەگە اسىرۋعا جان-جاقتى قولداۋ كورسەتۋگە دايىن.
