قازاقستان تەرريتورياسىنىڭ باسىم بولىگى ءالى دە تسيكلوننىڭ جانە ونىمەن بايلانىستى اتموسفەرالىق اعىنداردىڭ ىقپالىندا بولادى. سوعان بايلانىستى كۇن رايى قۇبىلىپ تۇرادى. نايزاعايمەن بىرگە جاڭبىر جاۋادى, سونىمەن بىرگە بۇرشاق جاۋىپ, داۋىل تۇرادى. ەلىمىزدىڭ وڭتۇستىگىندە, شىعىسىندا نوسەر جاڭبىر جاۋادى. تەك ەلىمىزدىڭ باتىسىندا عانا كۇن اشىق بولادى.
رەسپۋبليكا بويىنشا جەل كۇشەيىپ, ەلدىڭ وڭتۇستىك-باتىسىندا شاڭدى داۋىل تۇرادى. سولتۇستىك قازاقستان وبلىسىنىڭ سولتۇستىگىندە, شىعىسىندا بۇرشاق جاۋىپ, داۋىل تۇرادى. تۇندە سولتۇستىكتە, شىعىستا, كۇندىز وبلىستىڭ باسىم بولىگىندە جەل سەكۋندىنا 15-23 مەترگە دەيىن كۇشەيەدى.
تاڭەرتەڭ جانە كۇندىز الماتى وبلىسىنىڭ سولتۇستىگىندە, وڭتۇستىگىندە, شىعىسىندا, تاۋلى اۋداندارىندا جەل 15-25 م/س-قا دەيىن كۇشەيەدى. جامبىل وبلىسىنىڭ تاۋلى اۋداندارىندا بۇرشاق جاۋىپ, داۋىل تۇرادى, وبلىستىڭ وڭتۇستىك-باتىسىندا, سولتۇستىك-شىعىسىندا جانە تاۋلى اۋداندارىندا جەل 15-23 م/س جىلدامدىقپەن سوعادى.
تۇندە شىعىس قازاقستان وبلىسىنىڭ باتىسىندا, سولتۇستىگىندە, شىعىسىندا, كۇندىز باسىم بولىگىندە بۇرشاق جاۋىپ, داۋىل تۇرادى. وبلىستىڭ باتىسىندا, سولتۇستىگىندە, شىعىسىندا جەلدىڭ جىلدامدىعى سەكۋندىنا 15-23 مەترگە جەتەدى. تۇندە قوستاناي وبلىسىنىڭ سولتۇستىك-باتىسىندا تۇمان ءتۇسىپ, كۇندىز سولتۇستىك-شىعىسىندا, شىعىسىندا جەل 15-20 م/س جىلدامدىقپەن سوعادى.
ماڭعىستاۋ وبلىسىنىڭ باتىسى مەن سولتۇستىگىندە شاڭدى داۋىل تۇرىپ جەل سەكۋندىنا 15-20 مەترگە دەيىن كۇشەيەدى. تۇركىستان وبلىسىنىڭ تاۋلى اۋداندارىندا داۋىل تۇرىپ جەلدىڭ جىلدامدىعى سەكۋندىنا 15-20 مەترگە دەيىن جەتەدى. پاۆلودار وبلىسىنىڭ سولتۇستىگىندە, وڭتۇستىگىندە, شىعىسىندا, كۇندىز قىزىلوردا وبلىسىنىڭ ورتالىعىندا, پاۆلودار وبلىسىنىڭ سولتۇستىگىندە, باتىسىندا, اقمولا وبلىسىنىڭ سولتۇستىگىندە, شىعىسىندا جەل 15-20 م/س-كە دەيىن كۇشەيەدى.
كۇندىز ماڭعىستاۋ وبلىسىنىڭ وڭتۇستىگىندە 40 گرادۋس اپتاپ ىستىق بولادى. قىزىلوردا وبلىسىندا, شىعىس قازاقستان, الماتى وبلىستارىنىڭ باتىسىندا, اقتوبە وبلىسىنىڭ وڭتۇستىگىندە, شىعىسىندا, قوستاناي وبلىسىنىڭ وڭتۇستىگىندە, قاراعاندى وبلىسىنىڭ باتىسىندا, شىعىسىندا توتەنشە ءورت قاۋپى ساقتالادى.
