«مامىردا جاھاندىق قارجى نارىقتارىنداعى بەلگىسىزدىك پەن قۇبىلمالىلىققا قاراماستان تەڭگە باعامى 1 اقش دوللارى ءۇشىن 415,16 تەڭگەگە دەيىن نەمەسە 6,8 پايىزعا نىعايدى. ۇلتتىق ۆاليۋتانىڭ نىعايۋى مۇناي-گاز نارىعىنداعى جوعارى باعا مەن ەكسپورتتاۋشىلاردىڭ سالىق تولەمدەرىنە, جەكە تۇلعالاردىڭ شەتەل ۆاليۋتاسىنا سۇرانىسى تومەندەگەندىكتەن نارىق قاتىسۋشىلارى سەنتيمەنتىنىڭ وزگەرۋىنە, رەسەي ءرۋبلى باعامىنىڭ نىعايۋىنا بايلانىستى», دەدى ۇلتتىق بانك توراعاسى.
عالىمجان ءپىرماتوۆتىڭ اتاپ وتۋىنشە, ۆاليۋتا نارىعىنداعى ۇسىنىس كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمىن ساتۋى ەسەبىنەن قوسىمشا قولداۋ تاپتى. ونىڭ كولەمى مامىردا شامامەن 598 ملن دوللار بولدى.
«بيۋدجەتكە ءىرى سالىق تولەمدەرى كەزەڭى مەن ۆاليۋتانى ساتۋدىڭ ءتيىستى قاجەتتىلىگى اياسىندا شەتەل ۆاليۋتاسىنىڭ ۇسىنىسى سۇرانىستان اسىپ ءتۇستى. سالىق اپتاسى كەزەڭىندە وتىمدىلىكتى قولداۋ جانە شەتەل ۆاليۋتاسىنىڭ سۇرانىسى مەن ۇسىنىسى اراسىندا قالىپتاسقان تەڭگەرىمسىزدىكتى رەتتەۋ ماقساتىندا ۇلتتىق بانك 110,5 ملن دوللارعا شەتەل ۆاليۋتاسىنىڭ ارتىق ۇسىنىسىن ساتىپ الدى», دەدى ول.
