وقيعا وسىدان 4 جىل بۇرىن بولعان. نەنسي كرەمپتون باس اسپاز بولىپ جۇمىس ىستەيتىن كۇيەۋى دەن ءبروفيدى جۇمىس ورنىندا ولتىرگەن. سوت پروتسەسى بارىسىندا قىلمىس جاساعان ايەل كۇيەۋىنىڭ جۇرەگىنە تاپانشامەن ەكى رەت وق اتقانىن مويىندادى. ول ومىرلىك سەرىگىن ولتىرمەس بۇرىن «كۇيەۋىڭدى قالاي ولتىرۋگە بولادى» دەگەن تاقىرىپتا ينتەرنەت-ەسسە جازعان.
2014 جىلدان 2017 جىلعا دەيىن ەرلى-زايىپتىلار قارىزعا باتىپ, قارجىلىق قيىندىقتارعا تاپ بولعان. سوندىقتان ۇيلەرىن ساتىپ, كىشىرەك ءۇي ساتىپ الۋدى جوسپارلاعان. دەگەنمەن كۇدىكتىنىڭ قىلمىسقا ساقتاندىرۋ قاعازىنا يەلىك ەتۋ ءۇشىن بارعانى بەلگىلى بولدى. بۇدان بولەك, نەنسي باسقا دا قىلمىس جاساعان. اتاپ ايتقاندا, اقشا جىمقىرعان, الاياقتىق جاساعان.
بىراق نەنسيدىڭ جاقىندارى ونىڭ كىناسىز ەكەندىگىنە كامىل سەنىمدى. تۋىستارى نەنسي مەن دەننىڭ تاماشا جۇپ بولعانىن جانە ءبىر-ءبىرىن جاقسى كورگەندەرىن, ال كۇيەۋى قايتىس بولعاننان كەيىن نەنسيدىڭ قاتتى قايعىرعانىن ايتتى.
سوت نەنسي كرەمپتون-ءبروفيدى جاساعان قىلمىسى ءۇشىن ايىپتى دەپ تانىپ, 25 جىلعا اباقتىعا وتىرعىزدى. ەندى ول تەمىر توردان 96 جاسىندا عانا شىعا الادى.
اسەماي ەرلانقىزى
