سەنىم گراموتالارىن تابىستاۋ راسىمىنەن كەيىن بولعان سۇحبات بارىسىندا تاراپتار قازاق-موڭعول قارىم-قاتىناستارىنىڭ جاعدايى مەن دامۋ پەرسپەكتيۆالارى تۋرالى پىكىر الماسىپ, ءتۇرلى دەڭگەيلەردەگى ەكىجاقتى بايلانىستاردىڭ كەستەسىن تالقىلادى.
پرەزيدەنت ۋ. حۋرەلسۋح موڭعوليا مەن قازاقستان وڭىردەگى جاي عانا كورشى ەمەس – ولاردى قازاق جانە موڭعول حالىقتارىنىڭ ورتاق تاريحي تامىرى, مادەني مۇراسى مەن ءومىر سالتى بىرىكتىرەدى, بۇل ەكى مەملەكەت اراسىنداعى دوستىق پەن ىنتىماقتاستىقتى ودان ءارى نىعايتۋ ءۇشىن, سونداي-اق حالىقارالىق الاڭداردا ءوزارا قولداۋ كورسەتۋ ءۇشىن جاقسى نەگىز جانە العىشارت ەكەنىن اتاپ ءوتتى.
تاراپتار ءوزارا ىنتىماقتاستىقتىڭ الەۋەتى ءالى دە تولىق پايدالانىلماعانىمەن كەلىستى. وسى ورايدا ساۋدا, كولىك-لوگيستيكا, تاۋ-كەن مەن وڭدەۋ ونەركاسىبى, اۋىل شارۋاشىلىعى مەن تۋريزم سالالارىن قوسا العاندا, كەڭ اۋقىمداعى ەكىجاقتى ىنتىماقتاستىقتى ءارى قاراي دامىتۋ مەن تەرەڭدەتۋدىڭ ماڭىزدىلىعى اتاپ ءوتىلدى. بۇدان بولەك تاراپتار ەكى مەملەكەتتى بايلانىستىراتىن ەرەكشە «دوستىق كوپىرىنە» اينالعان موڭعوليانى مەكەندەيتىن قازاقتاردىڭ ەكىجاقتى ىنتىماقتاستىقتى نىعايتۋعا قوساتىن ۇلەسى زور ەكەنىن اتاپ ءوتتى.
كەزدەسۋ بارىسىندا ع. قويشىباەۆ 2022 جىلعى 5 ماۋسىمدا وتكىزىلگەن قازاقستان رەسپۋبليكاسىنىڭ كونستيتۋتسياسىنا وزگەرتۋلەر مەن تولىقتىرۋلار ەنگىزۋ جونىندەگى جالپىۇلتتىق رەفەرەندۋمنىڭ نەگىزگى قورىتىندىلارى تۋرالى ايتىپ بەردى. ءوز كەزەگىندە ۋ. حۇرەلسۇح قازاقستان قوعامىندا ورىن الىپ وتىرعان دەموكراتيالىق وزگەرىستەردى, ونىڭ ىشىندە ەلىمىزدە جۇرگىزىلىپ جاتقان كونستيتۋتسيالىق رەفورمانى قولدايتىنىن جەتكىزدى.
جىلىلىق پەن دوستىق اتموسفەراسىندا وتكەن كەزدەسۋدىڭ سوڭىندا موڭعوليا پرەزيدەنتى قازاقستاندىق ديپلوماتقا ەكى ەل اراسىنداعى دوستىق پەن ىنتىماقتاستىقتى نىعايتۋ مۇددەسى جولىندا جەمىستى جۇمىس تىلەدى.
