ادام سميت ينستيتۋتى قازاقستان اۋىلدارىنا ينۆەستيتسيا اكەلەدى

قازاقستان اۋىل شارۋاشىلىعى مينيسترلىگىنىڭ قولداۋىمەن ادام سميت ينستيتۋتى 17-18 ماۋسىم كۇندەرى استانادا ينۆەستيتسيالىق فورۋم وتكىزەدى. بۇل تۋرالى قازاقستاننىڭ اقش-تاعى ەلشىلىگىندەگى دەرەككوزىنە سىلتەمە جاساعان egemen.kz ءتىلشىسى حابارلادى ەلشىلىك وكىلى نۇرعالي ارىستانوۆتىڭ ايتۋىنشا, ادام سميت ينستيتۋتى مەن «قازاگرو» ۇلتتىق باسقارۋ حولدينگىنىڭ اۋىل شارۋاشىلىعى مينيسترلىگىنىڭ قولداۋىمەن وتكىزىلەتىن فورۋمىنىڭ ماقساتى ەلىمىزدىڭ اۋىل شارۋاشىلىعى سەكتورىنا ينۆەستيتسيا تارتۋ بولماق. اگروونەركاسىپتىك كەشەندى دامىتۋدىڭ سالاارالىق «اگروبيزنەس-2020» باعدارلاماسى اياسىندا كەشەن سۋبەكتىلەرىنىڭ باسەكەگە قابىلەتتىكتەرىن جوعارىلاتۋدا ءمانى بار بۇل فورۋمنىڭ ماڭىزدى سپيكەرلەرى­  قازاقستان اۋىل شارۋاشىلىعى ءمينيسترى اسىلجان مامىتبەكوۆ, «قازاگروقارجى» اق توراعاسى عۇمار راحىمجانوۆ, «قازاگرو» توراعاسى دۋلات ايتجانوۆ بولادى دەپ كۇتىلۋدە. سونىمەن بىرگە, ادام سميت ينستيتۋتىنان 15 جىل بويىنا ساراپشىلار توبىنا تابىستى جەتەكشىلىك ەتۋشى, باس ساراپشى الان بۋلون بايانداما جاسايدى. انار تولەۋحانقىزى. دەرەككوز: egemen.kz. فوتو: kapital.kz.