الەۋمەتتىك دۇكەن جۇمىسشىلارى اشۋلى تۇرعىندارعا تويتارىس بەرە الماي, سالدارىنان ەكى ساتۋشى جەدەل جاردەم كولىگىمەن اۋرۋحاناعا جەتكىزىلگەن.
«تاراز» اكك ايماقتىق تۇراقتاندىرۋ قورىن باسقارۋ سەكتورىنىڭ قىزمەتكەرلەرى بىردەن تۇرعىن ءۇي كەشەنىنە كەلىپ, وقيعانىڭ ءمان-جايىن انىقتادى.
«تۇرعىندارعا قانتتىڭ تاۋسىلعانىن ايتقانىمىزدا بىزگە سەنبەي ايقاي شىعاردى. تاۋاردى تىعىپ قويعانداي كىنالاپ, ايىپتادى. بارلىعى 70-تەي ادام جينالعان بولاتىن. ولار سوزىمىزگە سەنبەي, دۇكەنگە باسىپ كىردى. قازىر قىزدار مۇندا جۇمىس ىستەۋگە قورقادى», دەيدى اعا ساتۋشى-كاسسير دينارا شالاباەۆا.
انىقتالعانداي, اشۋلى تۇرعىندار عيماراتقا كىرىپ, قىزمەتكەرلەردىڭ ءبىرىن يتەرىپ, جەرگە قۇلاتىپ جىبەرگەن. ەكىنشىسىنىڭ قولىن بۇراپ كۇش كورسەتكەن. مۇنى كورگەن دۇكەن ساتۋشىلارىنىڭ ءبىرىنىڭ جاعدايى ناشارلاپ, جەدەل جاردەمگە جۇگىنگەن.
«103» پۋلتىنە قالاداعى دۇكەندەردىڭ بىرىندە توبەلەس بولىپ جاتقانى تۋرالى بىرنەشە رەت قوڭىراۋ ءتۇستى. بەلگىلى بولعانداي, ساتىپ الۋشىلار دۇكەن جۇمىسشىلارىنا شابۋىل جاساپ, جۇدىرىق الا جۇگىرگەن. ولاردىڭ قاتارىندا جۇكتى ايەل دە بار. بارلىعىنا شۇعىل كومەك كورسەتىلدى», دەيدى جامبىل جەدەل جاردەم ستانتسياسىنىڭ اعا فەلدشەرى باقىتجان ەرەجەپوۆ.
ايتا كەتۋ كەرەك, اتالعان وقيعا بويىنشا پوليتسياعا وتىنىشتەر, حابارلامالار جانە قانداي دا ءبىر شاعىمدار تۇسپەگەن. پوليتسەيلەر وقيعا ورنىندا بولعان تۇرعىندارعا الدىن-الۋ شارالارى مەن تۇسىنىكتەمە جۇمىستارىن جۇرگىزدى.
«حالىقتىڭ قاۋىپسىزدىگىن قامتاماسىز ەتۋ ماقساتىندا ءبىز جوعارىدا اتالعان وبەكتىگە پوليتسيا قىزمەتكەرىن ءبولۋ تۋرالى شەشىم قابىلدادىق. بۇل قوعامدىق ءتارتىپ پەن تىنىشتىقتى ساقتاۋعا مۇمكىندىك بەرەدى», دەدى پوليتسيا قىزمەتكەرلەرى.
الەۋمەتتىك دۇكەن قىزمەتكەرلەرىنىڭ ايتۋىنشا, بۇل قالاداعى الەۋمەتتىك پاۆيلوندارداعى جۇمىسشىلارعا جاسالعان ءبىرىنشى كۇش كورسەتۋ ەمەس. الەۋمەتتىك دۇكەندەگى تاۋارلاردى وتكەرۋدىڭ وزىندىك ەرەجەسى بولعاندىقتان, ساتۋشىلار تۇرعىندارعا تۇسىنىستىكپەن قاراۋعا شاقىرادى.
