تسيكلون جانە ونىمەن بايلىستى اتموسفەرالىق فرونتالدى بولىكتەردىڭ اسەرىنەن قازاقستاننىڭ بارلىق اۋماعىندا جاڭبىر, بۇرشاق جاۋىپ, نايزاعاي جارقىلداپ, جەل كۇشەيەدى. ەلدىڭ وڭتۇستىگىندە شاڭدى داۋىل سوعادى.
تەك ەلىمىزدىڭ باتىسى, وڭتۇستىگى مەن شىعىسىندا انتيتسيكلون اسەرىنەن جاۋىن-شاشىنسىز اۋا رايى كۇتىلەدى. كۇندىز قوستاناي وبلىسىنىڭ سولتۇستىك-باتىسىندا, سولتۇستىگىندە بۇرشاق, داۋىل كۇتىلەدى, جەل 15-20 م/س كۇشەيەدى.
سولتۇستىك قازاقستان, اقمولا وبلىستارىندا بۇرشاق كۇتىلەدى, جەلدىڭ جىلدامدىعى 15-20 م/س جەتەدى. ماڭعىستاۋ وبلىسىنىڭ تۇندە وڭتۇستىك-شىعىسىندا, كۇندىز سولتۇستىگى مەن وڭتۇستىك-شىعىسىندا جەل 15-20 م/س كۇشەيەدى, شاڭدى داۋىل سوعادى.
كۇندىز جامبىل وبلىسىنىڭ تاۋلى اۋداندارىندا بۇرشاق, داۋىل كۇتىلەدى, سولتۇستىك-شىعىسى مەن تاۋلى اۋداندارىندا جەل 15-20 م/س جىلدامدىقپەن سوعادى. تاڭەرتەڭ جانە كۇندىز تۇركىستان وبلىسىنىڭ تاۋلى جانە تاۋ بوكتەرلى اۋداندارىندا داۋىل, سولتۇستىگى مەن باتىسىندا شاڭدى داۋىل كۇتىلەدى, تاڭەرتەڭ جانە كۇندىز سولتۇستىگى, باتىسى, تاۋلى جانە تاۋ بوكتەرلى اۋداندارىندا جەل 15-20 م/س كۇشەيەدى.
كۇندىز قاراعاندى وبلىسىنىڭ سولتۇستىگى مەن شىعىسىندا, پاۆلودار وبلىسىنىڭ سولتۇستىگى مەن وڭتۇستىگىندە, شىعىس قازاقستان وبلىسىنىڭ باتىسىندا, قىزىلوردا وبلىسىنىڭ ورتالىعىندا, باتىس قازاقستان وبلىسىنىڭ وڭتۇستىگى مەن سولتۇستىك-شىعىسىندا, الماتى وبلىسىنىڭ شىعىسى مەن تاۋلى اۋداندارىندا جەل 15-20 م/س جەتەدى.
كۇندىز الماتى وبلىسىندا, قاراعاندى وبلىسىنىڭ وڭتۇستىگىندە, شىعىس قازاقستان وبلىسىنىڭ وڭتۇستىگى مەن سولتۇستىك-باتىسىندا قاتتى ىستىق كۇتىلەدى.
قىزىلوردا وبلىسىنىڭ ورتالىعىندا, قاراعاندى وبلىسىنىڭ باتىسى مەن شىعىسىندا, الماتى وبلىسىنىڭ باتىسىندا, قوستاناي وبلىسىنىڭ وڭتۇستىگىندە, پاۆلودار وبلىسىنىڭ باتىسىندا, اقتوبە وبلىسىنىڭ وڭتۇستىگى مەن شىعىسىندا توتەنشە ءورت قاۋىپى ساقتالادى.
