«كونستيتۋتسياعا نەگىزىلەتىن جاڭا تۇزەتۋلەر بويىنشا زاڭ قابىلداۋدىڭ جاڭا ءتارتىبى بولادى. ول ء«ماجىلىس قابىلدايدى, سەنات ماقۇلدايدى» دەگەن قاعيداتپەن جۇمىس ىستەيدى. بۇل نورمالار 2023 جىلدىڭ 1 قاڭتارىنان باستاپ كۇشىنە ەنەدى. سونداي-اق كونستيتۋتسيانىڭ 63-بابىنا سايكەس, جاڭا ءتارتىپ كونستيتۋتسيالىق زاڭ جوبالارىن قابىلداۋ رامىسىندە دە, جاي زاڭ جوبالارىن قابىلداۋ راسىمىندە دە قولدانىلادى», دەدى ۆەدومستۆو وكىلى.
ۆيتسە-ءمينيستردىڭ سوزىنە قاراعاندا, لاۋازىمدى ادامدارعا وكىلەت بەرۋدىڭ جاڭا ءتارتىبى دە بۇگىن-ەرتەڭ كۇشىنە ەنە قويمايدى.
«لاۋازىمدى ادامدارعا وكىلەتتىك بەرۋدىڭ جاڭا ءتارتىبى قر كونستيتۋتسياسىندا وزگەشە كوزدەلمەسە, وسى لاۋازىمدى ادامداردىڭ وكىلەت مەرزىمىنىڭ اياقتالۋىنا نەمەسە وكىلەتتىگىنىڭ تولىق توقتاۋىنا قاراي قولدانىسقا ەنگىزىلەدى. مىسالى, سەناتتاعى پرەزيدەنت تاعايىندايتىن 15 دەپۋتات مەرزىمى اياقتالعانعا دەيىن ءوز وكىلەتتىگىن ساقتايدى. سونداي-اق كونستيتۋتسيالىق سوت پەن جوعارعى اۋديتورلىق پالاتا قۇرىلعانعا دەيىن كونستيتۋتسيالىق كەڭەس پەن ەسەپ كوميتەتى جۇمىسىن جالعاستىرادى», دەدى الما مۇقانوۆا.
