اتاپ ايتقاندا, بۇگىن سەنات «قر كەيبىر زاڭنامالىق اكتىلەرىنە ەلەكتر ەنەرگەتيكاسى, ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ, جەر قويناۋىن پايدالانۋ, جەرگىلىكتى مەملەكەتتىك باسقارۋ جانە مەملەكەتتىك شەكارا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا ماقۇلدادى. قۇجات اياسىندا الماتىعا قاتىستى ءتيىستى شەشىمدەر ەسكەرىلگەن.
«الماتى قالاسىنا قاتىستى تۇزەتۋلەرى بويىنشا قالا قۇرىلىسى كەڭەسىن ەنگىزۋ جانە قالانىڭ ديزاين-كودىن قابىلداۋ ۇسىنىلادى. بۇل مەگاپوليس پروبلەمالارىن شەشۋ ءارى قالا تۇرعىندارىنىڭ ءومىر ءسۇرۋ جاعدايلارىن جاقسارتۋ بويىنشا كەلىسىلگەن قالا قۇرىلىسى ساياساتىن جۇرگىزۋگە مۇمكىندىك بەرەدى. سونداي-اق بىرىڭعاي ساۋلەتتىك كەلبەت بەرۋدى قامتاماسىز ەتەدى», دەدى ق. وسكەنباەۆ.
سونىمەن قاتار ول م ۇلىكتى زاڭداستىرۋ پروبلەمالارىن شەشۋ ءۇشىن جىلجىمايتىن م ۇلىكتى رەسىمدەۋ ماسەلەلەرىن قاراۋ جونىندەگى كوميسسيا قۇرۋ ۇسىنىلىپ وتىرعانىن ايتتى.
«ازاماتتاردىڭ قاۋىپسىزدىگىن قامتاماسىز ەتۋ ءۇشىن مەنشىك يەلەرىنىڭ كەلىسىمى بولعان جاعدايدا, ازاماتتار كوپ جينالاتىن جەرلەردە بەينەكامەرالار ورناتۋ جانە بەينەباقىلاۋ مونيتورينگىن جۇرگىزۋ قاعيدالارىن بەكىتۋ ۇسىنىلدى. بۇل مەگاپوليس اۋماعىن بەينەمونيتورينگپەن بارىنشا قامتۋدى قامتاماسىز ەتۋگە مۇمكىندىك بەرەدى», دەدى ۆەدومستۆو باسشىسى.
