8 ماۋسىم كۇنى وبلىستىق ءماسليحات دەپۋتاتى اسەت قىدىرمانوۆتىڭ توراعالىعىمەن جەتىسۋ وبلىستىق ءماسليحاتىنىڭ ءبىرىنشى ۇيىمداستىرۋ سەسسياسى ءوتتى. وندا جاڭادان قۇرىلعان جەتىسۋ وبلىسىنىڭ ءماسليحات حاتشىسى لاۋازىمىنا گۇلنار تويلىباەۆا سايلاندى.
ەڭبەك جولىن مەكتەپ مۇعالىمى قىزمەتىنەن باستاعان گۇلنار قوجاعۇلقىزى ءار جىلدارى ەسكەلدى اۋدانىنىڭ ىشكى ساياسات ءبولىمىنىڭ باس مامانى, ودان كەيىن «Nur Otan» پارتياسىنىڭ وبلىستىق فيليالىندا ءبولىم مەڭگەرۋشىسى, اتالعان مەكەمەدە توراعانىڭ ورىنباسارى, ءبىرىنشى ورىنباسارى قىزمەتتەرىن اتقاردى.
وسى ۋاقىتقا دەيىن «اmاnat» پارتياسى الماتى وبلىستىق فيليالىنىڭ اتقارۋشى حاتشىسى قىزمەتىندە بولدى. جەتىسۋ وبلىسىنىڭ ءماسليحات دەپۋتاتتارى بۇدان بولەك, تۇراقتى كوميسسيالاردى قۇرۋ, سان قۇرامىن بەلگىلەۋ جانە ولاردىڭ قۇرامىن سايلاۋ, «جەتىسۋ وبلىستىق ءماسليحاتىنىڭ اپپاراتى» مەملەكەتتىك مەكەمەسىن قۇرۋ, قۇرىلىمىن جانە شتات كەستەسىن, مەكەمەنىڭ رەگلامەنتىن بەكىتتى.
ەسكە سالا كەتەيىك, قازاقستان پرەزيدەنتىنىڭ جارلىعىنا سايكەس الماتى وبلىسىنىڭ قۇرامىنان جەتىسۋ وبلىسى ءبولىنىپ شىعادى. وسىعان بايلانىستى 8 ماۋسىم كۇنى الماتى وبلىستىق ءماسليحاتىنىڭ كەزەكتەن تىس حح سەسسياسىنىڭ شەشىمىنىڭ الماتى وبلىستىق جانە جەتىسۋ وبلىستىق ءماسليحاتتارى ءبولىندى.
سوعان سايكەس الماتى وبلىستىق ءماسليحاتىندا – 26 دەپۋتات, جەتىسۋ وبلىستىق ءماسليحاتىندا –19 دەپۋتات بولىپ بەكىتىلدى.
