تەننيس • 08 ماۋسىم، 2022

قازاقستاندىق تەننيسشى گەرمانيادا توپ جاردى

20 رەت كورسەتىلدى

قازاقستاندىق تەننيسشى الەكساندر نەدوۆەسوۆ جۇپتىق سىندا شتۋتگارت ATP 250 ءتۋرنيرىنىڭ شيرەك فينالىنا ءوتتى، دەپ حابارلايدى Egemen.kz.

الەكساندر نەدوۆەسوۆ پاكىستاندىق ايسام كۋرەشيمەن بىرگە باستاپقى كەزدەسۋىن جارىستىڭ ەكىنشى راكەتكالارى، اۋستراليالىق دجون پيرس پەن سلوۆاكيالىق فيليپپ پولاشەكپەن وتكىزدى.

قازاقستاندىق-پاكىستاندىق جۇپ قارسىلاستارىن 7:6 (7:2)، 6:4 ەسەبىمەن ۇتتى. ولار 1 ساعات 20 مينۋتقا سوزىلعان ماتچ بارىسىندا 9 ەيس جاساپ، 5 برەيك-پوينتتىڭ بىرەۋىن پايدالاندى.

د.پيرس 2017 جىلى جۇپتىق سىندا اۋستراليا اشىق چەمپيوناتىنىڭ جەڭىمپازى اتانسا، ف.پولاشەك وتكەن جىلى ءدال وسى «ۇلكەن دۋلىعا» جارىسىندا وزىپ شىققان ەدى.

ەندى ا.نەدوۆەسوۆ پەن ا.كۋرەشي جۇلدە قورى 770 مىڭ ەۋروعا جۋىقتايتىن دودانىڭ جارتىلاي فينالىنا شىعۋ ءۇشىن كانادالىق دەنيس شاپوۆالوۆ پەن ۇندىستاندىق روحان بوپاننامەن كورتقا شىعادى.

سوڭعى جاڭالىقتار

ۇقساس جاڭالىقتار