«قازاقستاندا ۆەيپتەردى ساتۋعا جانە پايدالانۋعا تىيىم سالىناتىن تۇزەتۋلەر ەنگىزۋ تۋرالى شەشىم قابىلدادىق. تەمەكى قوسپاسى, سۇيىقتىعى, گازى – وسىلاردىڭ بارىن قازاقستاندا ساتۋعا جانە پايدالانۋعا تولىق تىيىم سالىنادى», دەدى ول.
وسىعان بايلانىستى حالىق دەنساۋلىعى جانە دەنساۋلىق ساقتاۋ جۇيەسى تۋرالى كودەكسكە قازاقستاندا ۆەيپتەردى ساتۋعا جانە پايدالانۋعا تىيىم سالاتىن تۇزەتۋلەر ەنگىزىلەدى.
«بارلىق حوش ءيىستى تەمەكى بۇيىمدارىن قازاقستاندا ساتۋعا جانە تۇتىنۋعا تولىق تىيىم سالىنادى. سوندىقتان بۇل ۇعىمدار سالىق كودەكسىنەن الىنىپ تاستالادى», دەدى ماجىلىسمەن.
سونىمەن قاتار جامالوۆتىڭ اتاپ وتۋىنشە, قازىر قازاقستاندا قىزدىرىلعان تەمەكىگە (ايكوس جانە گلو) ەشقانداي سالىق سالىنبايدى.
الايدا ونىڭ دەنەگە اسەرى دۇنيەجۇزىلىك دەنساۋلىق ساقتاۋ ۇيىمىنىڭ تۇجىرىمدارى بويىنشا نيكوتين مولشەرى جانە باسقا پارامەترلەرى جاعىنان ادەتتەگى تەمەكىدەن كەم ەمەس.
«بۇگىن دەپۋتاتتار بۇل ونىمدەردى اكتسيزدەرمەن جابۋ تۋرالى شەشىم قابىلدادى. ولارعا كادىمگى تەمەكى اكتسيزدەرىنىڭ 70%-ى مولشەرىندەگىدەي اكتسيزدەر ەنگىزۋ تۋرالى شەشىم قابىلداندى», دەپ ناقتىلادى ماجىلىسمەن.
ارۋجان امانگەلدى
