الماتى وبلىسىنىڭ ەكى اۋدانىندا 2019-2021 جىلدار ارالىعىندا بيۋدجەتكە 34,1 ملن تەڭگە سوماسىندا مەملەكەتتىك باج تۇسپەگەن. اتالعان فاكتىنى سالىق قىزمەتى ورگاندارىنىڭ تەكسەرۋ اكتىلەرى راستاپ وتىر.
«انىقتالعان فاكتىلەر كوشى-قون قىزمەتى قىزمەتكەرلەرىنىڭ «ازاماتتارعا ارنالعان ۇكىمەت» كەاق قىزمەتكەرلەرىمەن, سونداي-اق مەملەكەتتىك قىزمەت الۋ كەزىندە وزگە دە تۇلعالارمەن سىبايلاس جەمقورلىق سحەمالارى مەن الاياقتىق ارەكەتتەرىنىڭ بار ەكەنىن كورسەتەدى», دەلىنگەن وبلىستىق سىبايلاس جەمقورلىقپەن كۇرەس قىزمەتىنىڭ حابارلاماسىندا.
