ءماجىلىسىنىڭ دەپۋتاتى سەرگەي سيمونوۆتىڭ ايتۋىنشا, زاڭ جوباسى كىرىستەردى جىلىستاتۋعا جانە تەرروريزمدى قارجىلاندىرۋعا قارسى ءىس-قيمىلدىڭ (كج/تققى) ۇلتتىق جۇيەسىن جاقسارتۋ, سونداي-اق اقشانى جىلىستاتۋعا قارسى كۇرەستىڭ قارجىلىق شارالارىن ازىرلەۋ توبىنىڭ (فاتف) حالىقارالىق ستاندارتتارىن ىسكە اسىرۋ ماقساتىندا ازىرلەندى. زاڭ جوباسى:
- زاڭدى تۇلعالاردىڭ وزدەرىنىڭ بەنەفيتسيارلىق مەنشىك يەلەرىن اشۋ مىندەتىن بەلگىلەۋگە;
- كىرىستەردى جىلىستاتۋعا قارسى ءىس-قيمىل تۋرالى زاڭنامانى شەت مەملەكەتتىڭ زاڭناماسىنا سايكەس قۇرىلعان تراستتارعا نەمەسە باسقا دا كورپوراتيۆتىك قۇرىلىمدارعا قولدانۋعا;
- تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن تۇلعالاردىڭ تىزبەسىنە, سونداي-اق جاپپاي قىرىپ-جويۋ قارۋىن تاراتۋدى قارجىلاندىرۋمەن بايلانىستى ۇيىمدار مەن تۇلعالاردىڭ تىزبەسىنە ەنگىزىلگەن سۋبەكتىلەردىڭ تىكەلەي نەمەسە جاناما باقىلاۋىنداعى قاراجات پەن وزگە دە اكتيۆتەردى توقتاتۋعا;
- قىلمىستىق جولمەن الىنعان قاراجاتتى زاڭداستىرعانى ءۇشىن قىلمىستىق جاۋاپكەرشىلىكتى كۇشەيتۋگە جانە فاتف ۇسىنىمدارىندا ايقىندالعان بىرقاتار قىلمىستىق قۇقىق بۇزۋشىلىق ءۇشىن «م ۇلىكتى تاركىلەۋ» تۇرىندەگى قىلمىستىق جازانى بەلگىلەۋگە;
- تەرروريستىك ارەكەت ۇعىمىن كەڭەيتۋ ماقساتىندا «تەرروريزمگە قارسى ءىس-قيمىل تۋرالى» زاڭىنىڭ ەرەجەلەرىن قازاقستان رەسپۋبليكاسى قىلمىستىق كودەكسىنىڭ ەرەجەلەرىنە سايكەس كەلتىرۋگە باعىتتالعان.
بۇدان باسقا, دەپۋتاتتار زاڭ جوباسىنىڭ كەيبىر نورمالارىنىڭ رەداكتسياسىن جاقسارتۋ جانە ناقتىلاۋ بويىنشا تۇزەتۋلەر ەنگىزدى. سونىمەن قاتار پالاتا دەپۋتاتتارى «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ىلەسپە زاڭ جوباسىن دا ءبىرىنشى وقىلىمدا ماقۇلدادى.
