ايماقتار • 07 ماۋسىم، 2022

تۇركىستاندا زاڭسىز جۇمىس ىستەگەن شەتەلدىكتەر انىقتالدى

38 رەت كورسەتىلدى

تۇركىستان وبلىسىندا زاڭسىز جۇمىس ىستەپ جۇرگەن 38 شەتەلدىك ەلدەن الاستاتىلدى، دەپ حابارلايدى Egemen.kz polisia.kz سايتىنا سىلتەمە جاساپ.

وبلىس اۋماعىندا جۇرگەن شەتەلدىكتەر جانە ازاماتتىعى جوق ادامداردىڭ كوشى-قون سالاسىنداعى زاڭنامانى ساقتالۋى قاتاڭ قاداعالاۋعا الىنعان. وسىنداي كەزەكتى تەكسەرىس كەزىندە ءتارتىپ ساقشىلارى قاينار اۋىلىنىڭ وڭتۇستىك بەتكەيىندە ورنالاسقان تاۋىق فەرماسىنىڭ اۋماعىندا ءتيىستى قۇجاتتارى بولماعان تاجىكستان رەسپۋبليكاسىنىڭ 38 ازاماتىن انىقتادى. تەكسەرۋ بارىسىندا اتالعان فەرمانىڭ ەگەسى شەتەلدىكتەردى ارىس اۋدانى اۋماعىندا كەۋرەك وسىمدىگىن تەرۋ ءۇشىن الىپ كەلىپ، وسىندا جۇمىس كۇتىپ جاتقاندىعى بەلگىلى بولدى.

قازاقستاندىق شارۋاشىلىق ەگەسىنە قاتىستى قر اقبتك-ءنىڭ 518-بابىنىڭ 2-بولىگىمەن (شەتەلدiكتەردى جانە ازاماتتىعى جوق ادامداردى قابىلدايتىن جەكە نەمەسە زاڭدى تۇلعالاردىڭ قازاقستان رەسپۋبليكاسىنىڭ حالىقتىڭ كوشى-قونى سالاسىنداعى زاڭناماسىن بۇزۋى) اكىمشىلىك حاتتاما تولتىرىلدى. سونىمەن قاتار تاجىكستان رەسپۋبليكاسىنىڭ 38 ازاماتىنا قاتىستى قر اقبتك-ءنىڭ 517-بابىنىڭ 5-بولىگى (شەتەلدiكتiڭ نەمەسە ازاماتتىعى جوق ادامنىڭ قازاقستان رەسپۋبليكاسىنىڭ حالىقتىڭ كوشى-قون سالاسىنداعى زاڭناماسىن بۇزۋى) بويىنشا اكىمشىلىك حاتتاما تولتىرىلىپ، ءىس-قۇجاتتار سوتقا جولداندى. ورداباسى اۋداندىق سوتىنىڭ شەشىمىنە سايكەس، بۇل شەتەلدىكتەردىڭ بارلىعى قر اۋماعىنان شەتتەتىلدى.

سالتانات كەنجەباي

سوڭعى جاڭالىقتار

ۇقساس جاڭالىقتار