7 ماۋسىمدا قازاقستاننىڭ باسىم اۋماعىندا قۇبىلمالى اۋا رايى كۇتىلەدى: نايزاعاي ويناپ, جاڭبىر جاۋادى. باتىستا, سولتۇستىكتە, وڭتۇستىكتىڭ تاۋلى اۋداندارىندا بۇرشاق, داۋىل بولجانادى. ەلىمىزدىڭ وڭتۇستىگىندە, ورتالىعىندا, شىعىسىندا اۋا رايى – جاۋىن-شاشىنسىز.
رەسپۋبليكا بويىنشا جەل كۇشەيىپ, سولتۇستىكتە – تۇمان, وڭتۇستىك-باتىستا, سولتۇستىكتە – شاڭدى داۋىل بولادى. اتاپ ايتقاندا, قوستاناي وبلىسىنىڭ باتىسىندا, سولتۇستىك-باتىسىندا, سولتۇستىك-شىعىسىندا نايزاعاي, بۇرشاق, داۋىل, كۇندىز وبلىستىڭ وڭتۇستىگىندە شاڭدى داۋىل كۇتىلەدى. جەلدىڭ ەكپىنى 23-28 م/س كۇشەيۋى ىقتيمال.
سولتۇستىك قازاقستان وبلىسىنىڭ وڭتۇستىك-باتىسىندا, باتىسىندا, سولتۇستىگىندە نايزاعاي, بۇرشاق, داۋىل كۇتىلەدى. تۇندە جانە تاڭەرتەڭ وبلىستىڭ باتىسىندا تۇمان, كۇندىز وڭتۇستىك-باتىسىندا, باتىسىندا, سولتۇستىگىندە 15-20 م/س كۇشپەن جەل سوعادى.
تۇندە باتىس قازاقستان وبلىسىنىڭ سولتۇستىگىندە, سولتۇستىك-باتىسىندا, كۇندىز سولتۇستىك-شىعىسىندا نايزاعاي, بۇرشاق, داۋىل بولجانادى. وبلىستىڭ سولتۇستىگىندە, سولتۇستىك-باتىسىندا جەلدىڭ جىلدامدىعى 15-20 م/س كۇشەيەدى.
كۇندىز اقمولا وبلىسىنىڭ باتىسىندا, سولتۇستىگىندە نايزاعاي, جەلدىڭ كۇشى – 15-20 م/س. كۇندىز الماتى وبلىسىنىڭ تاۋلى اۋداندارىندا – نايزاعاي, سولتۇستىك-شىعىسىندا, تاۋلى اۋداندارىندا ەكپىنى 25 م/س قۇرايتىن جەل كۇتىلەدى.
اتىراۋ وبلىسىندا جەلدىڭ كۇشى 15-20 م/س قۇرايدى. ماڭعىستاۋ وبلىسىنىڭ باتىسىندا, سولتۇستىگىندە نايزاعاي, شاڭدى داۋىل, كۇندىز باتىسىندا, سولتۇستىگىندە, وڭتۇستىگىندە 15-20 م/س ەكپىندە جەل كۇتىلەدى.
تۇندە اقتوبە وبلىسىنىڭ سولتۇستىك-باتىسىندا, كۇندىز باسىم بولىگىندە جەلدىڭ جىلدامدىعى 15-20 م/س قۇرايدى. كۇندىز قاراعاندى وبلىسىنىڭ باتىسىندا, شىعىسىندا جەلدىڭ كۇشى 15-20 م/س بولادى. كۇندىز قىزىلوردا وبلىسىنىڭ ورتالىعىندا جەلدىڭ جىلدامدىعى 15-20 م/س ارتادى.
كۇندىز جامبىل وبلىسىنىڭ تاۋلى اۋداندارىندا نايزاعاي, بۇرشاق, داۋىل, 15-20 م/س ەكپىندەگى جەل كۇتىلەدى. كۇندىز قاراعاندى, قىزىلوردا, قوستاناي وبلىستارىنىڭ وڭتۇستىگىندە قاتتى ىستىق بولادى. قىزىلوردا وبلىسىنىڭ باتىسىندا, شىعىسىندا, ورتالىعىندا, قاراعاندى وبلىسىنىڭ باتىسىندا, شىعىسىندا, الماتى وبلىسىنىڭ باتىسىندا توتەنشە ءورت قاۋپى كۇتىلەدى.
