دۇيسەنبىدە ساۋدانىڭ باسىندا Brent ماركالى مۇنايدىڭ فيۋچەرستەرى 1,5 پايىزعا, باررەلىنە 121,52 دوللارعا دەيىن ءوستى. West Texas Intermediate (WTI) ماركالى مۇناي فيۋچەرستەرى ءۇش ايداعى ەڭ جوعارى كورسەتكىشكە جەتىپ, 1,4 پايىزعا, باررەلىنە 120,50 دوللارعا دەيىن ءوستى.
Aramco مەملەكەتتىك مۇناي كومپانياسىنىڭ مالىمەتىنشە, ساۋد ارابياسى اراب مۇنايىنىڭ ازياعا رەسمي ساتۋ باعاسىن (OSP) ماۋسىمداعى ومان مەن دۋبايداعى ورتاشا 4,40 دوللارمەن سالىستىرعاندا, 6,50 دوللارعا ۇستەمە اقىمەن كوتەرگەن.
بۇل قادام مۇناي ەكسپورتتاۋشى ەلدەر مەن وپەك+ دەپ اتالاتىن وداقتاس ۇيىمنىڭ شىلدە-تامىز ارالىعىنداعى ءوندىرىستى كۇنىنە 648 مىڭ باررەلگە نەمەسە بۇرىن جوسپارلانعاننان 50 پايىزعا ارتتىرۋ تۋرالى شەشىمىنە قاراماستان جاسالعان.
