مەرزىمدى قىزمەتتىڭ اسكەري قىزمەتشىلەرىنە جانە اسكەري وقۋ ورىندارىنىڭ كۋرسانتتارىنا اسكەري بولىمدەر مەن مەكەمەلەردىڭ اۋماعىندا داۋىس بەرۋ مۇمكىندىگى بەرىلدى. وسى ماقساتتا اسكەري بولىمدەر مەن گوسپيتالدارداعى ۋچاسكەلەر ارنايى جابدىقتالدى.
«رەسپۋبليكالىق رەفەرەندۋم – حالىقتىڭ ءوز ەركىن ءبىلدىرۋىنىڭ ەڭ دەموكراتيالىق ءتاسىلى. ونىڭ ەلىمىز ءۇشىن تاريحي ماڭىزىن ايتىپ جەتكىزە المايمىن. بيىل 18 جاسقا تولدىم. مەن اسكەردە العاش رەت داۋىس بەرۋگە قاتىسىپ تۇرمىن. ءاربىر داۋىس قازاقستانداعى تۇراقتىلىققا ىقپال ەتەتىنىنە سەنىمدىمىن. سوندىقتان رەفەرەندۋمعا قاتىسۋدى ءوزىمنىڭ ازاماتتىق پارىزىم دەپ بىلەمىن», دەدى جامبىل وبلىسىنان دەسانتتىق-شابۋىل قۇراماسىنا شاقىرىلعان مەرزىمدى قىزمەتتەگى قاتارداعى جاۋىنگەر ەرسۇلتان دوسبول.
ايتا كەتسەك, كونستيتۋتسياعا وزگەرىستەر ەنگىزۋ جونىندەگى رەفەرەندۋمدا بارلىعى 130 مىڭنان استام اسكەري قىزمەتشى, قارۋلى كۇشتەردىڭ ازاماتتىق پەرسونالى مەن ولاردىڭ وتباسى مۇشەلەرى دە داۋىس بەردى.
