ونىڭ سوزىنشە, داۋىس بەرۋ پروبلەماسى تۇرعىلىقتى جەرىندەگى تىركەۋدەن تۋىنداعان.
ازاماتتار سايلاۋ ۋچاسكەسىنە قازىرگى تۇرىپ جاتقان مەكەنجايى بويىنشا كەلگەن, بىراق الدىن الا بەكىتىلمەگەن.
«ولار تىزىمدە بار-جوعىن الدىن الا انىقتاۋ ءۇشىن ەش شارا جاساماعان. ارينە, ءبىر جاعىنان ادامدار بۇقارالىق اقپارات قۇرالدارىندا ايتىلعان مىندەتتەمەلەر مەن ۇسىنىستاردى ورىندامادى دەۋگە بولادى, بىراق ەكىنشى جاعىنان, سۇراق تۋىندايدى – بۇل تەك ازاماتتىڭ جاۋاپكەرشىلىگى مە, الدە مەملەكەت جاۋاپكەرشىلىگى مە؟ سوندىقتان بۇل ماسەلەلەردى كەلەسى جولى ەسكەرۋ قاجەت, ويتكەنى كونستيتۋتسيالىق تۇزەتۋلەر بويىنشا رەسپۋبليكالىق دەڭگەيدەگى رەفەرەندۋم العاش رەت وتكىزىلىپ وتىر. مۇنداي رەفەرەندۋم ءبىز ءۇشىن قالىپتى جاعدايعا اينالۋى كەرەك, بۇگىنگى رەفەرەندۋمنان كەيىن ازاماتتىق بەلسەندىلىكتىڭ ارتا تۇسەتىنىن تۇسىنۋگە ءتيىسپىز, سوندىقتان دا ناقتى تەتىكتەردى ازىرلەۋىمىز كەرەك. مەملەكەت وسىنداي رەفەرەندۋم مەن سايلاۋ ۇيىمداستىرۋعا بيۋدجەت قاراجاتىن بولەدى, سوندىقتان اتقارىلاتىن جۇمىس تا ءتيىمدى بولۋى قاجەت», دەدى ەلۆيرا ءازىموۆا نۇر-سۇلتاندا وتكەن ءباسپاسوز ءماسليحاتىندا.
سونداي-اق قازاقستاننىڭ ازاماتتىق اليانسىنىڭ باسشىسى بانۋ نۇرعازيەۆا ءاربىر وقيعانى جەكە-دارا قاراۋ كەرەك دەگەن پىكىر ءبىلدىردى.
«بولاشاقتا بۇعان جول بەرۋگە بولمايدى, ويتكەنى بارلىق ازاماتتاردىڭ سايلاۋ قۇقىعى ىسكە اسىرىلۋى كەرەك», دەدى ب. نۇرعازيەۆا.
