تاڭەرتەمەن سايلاۋ ۋچاسكەسىنە ەگدە جاستاعى قالا تۇرعىندارى ءبىرىنشى بولىپ داۋىس بەرسە, تۇسكە جاقىن جاستار مەن جاس وتباسىلار كەلىپ داۋىس بەرە باستادى. «ازاماتتىق باستامالار ورتالىعى» شتابىنىڭ جەتەكشىسى ب.كۋدىشەۆا, شتاب مۇشەلەرى س.الپىسوۆا, ج.تاجىباەۆ قالاداعى سايلاۋ ۋچاسكەلەرىندە العاشقى كەلگەن, 100-ءشى سايلاۋشىعا, ت.ب. اكتسيالار قاراستىرىلعانىن اتاپ ءوتتى. ال سايلاۋ ۋچاسكەلەرىنە كەلە المايتىندار ءۇشىن باقىلاۋشىلار ۇيلەرىنە بارىپ, داۋىس بەرۋگە كومەك بەرۋدە. سونىمەن بىرگە العاش رەت داۋىس بەرگەندەر بار جانە قۇجاتىن ۇمىتىپ كەتەتىن جاعدايلار دا كەزدەسۋدە. بۇل جاعدايدى دا باقىلاۋشىلار نازاردا ۇستاپ وتىر.
قازىرگى ساتتە بەلسەندىلىك ارتىپ كەلەدى. اسىرەسە 18-39 جاسقا دەيىنگى جاستار بەلسەندىلىك تانىتۋدا. جانۇياسىمەن ونشاقتى ادام بولىپ كەلىپ جاتقاندار بار. تاۋەلسىز باقىلاۋشىلار اتاپ وتكەندەي, بۇل قالا جۇرتشىلىعىنىڭ ەل ەرتەڭىنە بەي-جاي قارامايتىندىعىن كورسەتەدى. نەگىزى مىندەت, قالا حالقى ءۇشىن مەيرامعا اينالعان كۇنىندە ولارعا تياناقتى, ساپالى قىزمەت كورسەتۋ. باقىلاۋشى قوعامدىق ۇيىمداردىڭ مىندەتى جاڭا قازاقستانعا داۋىس بەرۋدىڭ ءادىل ەتۋىن باقىلاۋ. داۋىس بەرۋ بارىسىندا ءبىر كابيناعا ەكىدەن كىرىپ العان جاعدايلار, كابينالاردىڭ بىرنەشە ادامنىڭ تاساسىن كورىنبەي قالۋ جاعدايلارى كەزدەستى.
ەسكەرەتىن ماڭىزدى ماسەلە, سايلاۋشىلاردىڭ قۇقىقتىق مادەنيەتىنە نازار اۋدارۋ. سالىستىرمالى تۇردە العاندا ەلىمىزدە باقىلاۋشىلاردىڭ دا, سايلاۋشىلاردىڭ دا بەلسەندىلىگى ارتىپ كەلەدى. باقىلاۋشىلار كەرى بايلانىسقا شىعىپ, سايلاۋ بارىسىنان حاباردار ەتىپ, وي-پىكىرلەرىن اشىق بىلدىرۋدە.
