«كونستيتۋتسيالىق رەفەرەندۋمدى باقىلاۋعا كەلگەن ۇجىمدىق قاۋىپسىزدىك تۋرالى شارت ۇيىمىنىڭ پارلامەنتتىك اسساممبلەياسىنىڭ وكىلدەرى ەكى توپقا ءبولىنىپ, نەگىزگى بولىگى نۇر-سۇلتان قالاسىندا جۇمىس ىستەپ جاتىر. سول سياقتى الماتى قالاسىندا دا ۇيىم وكىلى حالىقارىلىق ميسسياسىن اتقارىپ جاتقانىن ايتا كەتەيىك.
تاڭەرتەڭ ءبىزدىڭ توپ «استانا وپەرا» تەاترىندا ورنالاسقان سايلاۋ ۋچاسكەسىنە كەلىپ, وزدەرىنە جۇكتەلگەن مىندەتتى اتقارۋعا كىرىستى. بىردەن بايقالعانى, رەفەرەندۋمنىڭ ۇيىمداستىرىلۋ دەڭگەيى وتە جوعارى. حالىقتىڭ مەملەكەتشىلدىك ۇستانىمىن كوردىك. ياعني, قازاقستاندىقتاردىڭ ساياسي پروتسەسكە قاتىسۋى وتە بەلسەندى.
كۇننىڭ العاشقى بولىگىندە ەگدە جاستاعى ازاماتتاردىڭ كوپ كەلگەنى بايقالدى. دەسە دە ساعات 11:00-دەن كەيىن جاستاردىڭ قاراسى بىرتىندەپ كوبەيدى.
سايلاۋ ۋچاسكەلەرىن ارالاۋ بارىسىندا وسى پروتسەستىڭ جوعارى دەڭگەيدە وتۋىنە تاجىريبەلى ماماندار تارتىلعانىنا كۋا بولدىق.
ۇيىمنىڭ اتىنان ايتقىمىز كەلەتىنى, ءبىز 10-عا جۋىق سايلاۋ ۋچاسكەسىن ارالاپ, قانداي دا ءبىر نورمالار مەن ەرەجەلەردىڭ بۇزىلعانىن بايقاعان جوقپىز. داۋىس بەرۋ پروتسەسى بارلىق تالاپقا سايكەس وتكىزىلىپ جاتىر», دەدى حالىقارالىق ۇيىمنىڭ اتىنان كەلگەن توپتىڭ ۇيلەستىرۋشىسى باروت باروتزودا
