ء«بىز بۇگىن ساعات 7-دەن باستاپ سايلاۋ ۋچاسكەلەرىندە بولدىق. ساعات 11-گە دەيىن 9 رەفەرەندۋم ۋچاسكەسىن ارالاپ كوردىك. بۇدان كەيىن دە جۇمىسىمىزدى جالعاستىرامىز. قازىرگى تاڭدا حالىقتىڭ رەفەرەندۋمعا دەگەن قىزىعۋشىلىعى جوعارى دەپ ويلايمىز. ءبىز بۇعان كۋا بولىپ, بايقاپ وتىرمىز. ودان بولەك, سايلاۋ ۋچاسكەلەرىندە Exit Poll توپتارىن, باسقا ۇيىمداردىڭ باقىلاۋ مۇشەلەرىن دە كوردىك. ءبىزدىڭ ويىمىزشا, ورتالىق سايلاۋ كوميسسياسى جانە قازاقستان رەسپۋبليكاسىنىڭ باسقا دا ۋاكىلەتتى مەملەكەتتىك ۇيىمدارى بارلىق نورمالاردىڭ مۇلتىكسىز ساقتالۋىن قامتاماسىز ەتۋدە», دەدى ف.مادجيدلي نۇر-سۇلتاندا وتكەن ءباسپاسوز ءماسليحاتىندا.
سونداي-اق ول حالىقارالىق تۇركى اكادەمياسىنىڭ تۇركى الەمىندەگى گۋمانيتارلىق جانە عىلىمي ىنتىماقتاستىقتى ۇيلەستىرەتىنىن اتاپ ءوتتى.
«وسى سەبەپتى مەن تۇركى الەمىنىڭ اكادەميالىق قاۋىمداستىعى قازاقستانداعى رەفەرەندۋمدى جوعارى قىزىعۋشىلىقپەن باقىلاپ وتىراتىنىن ايتا الامىن. قازىرگى گەوساياسي تۇراقسىزدىق كەزىندە تۇركى ەلدەرىنىڭ بىرلىگى مەن ىنتىماقتاستىعى وتە مىقتى بولۋى كەرەك دەپ سانايمىز. ءبىز باقىلاۋ ميسسيامىزدى كۇنى بويى جالعاستىرامىز جانە قازاقستاندا تۇراقتى جاعدايدى كورەمىز دەپ ۇمىتتەنەمىز», دەدى ف.مادجيدلي.
