شارا بارىسىندا مينيسترلىك عيماراتىندا مەملەكەتتىك رامىزدەردىڭ 30 جىلدىعىنا وراي رەسمي رامىزدەر بەينەلەنگەن مەرەكەلىك باننەر كوتەرىلىپ, تۋ ءىلىندى. قر يدم اپپارات باسشىسى ەربولات مۇقاەۆ قۇتتىقتاۋىن ايتتى.
«سىزدەردى ەلىمىزدىڭ مەملەكەتتىك رامىزدەرىنىڭ 30 جىلدىعىمەن شىن جۇرەكتەن قۇتتىقتايمىن. ولار مەملەكەتتىڭ كوزگە كورىنبەيتىن نەگىزدەرىنىڭ ءبىرى, ال مەملەكەتتىك رامىزدەرگە زور جانە قۇرمەتپەن قاراۋ – مەملەكەت دامۋىنىڭ قۇرامداس بولىگى. وسى اتاۋلى كۇنى بارلىعىڭىزعا دەنساۋلىق, تابىس, ەلىمىزگە اماندىق تىلەيمىن», دەدى ە.مۇقاەۆ.
شارا پاتريوتتىق فلەشموبپەن جالعاستى. ءبولىم قىزمەتكەرلەرى ولشەمى 8×4 مەتر بولاتىن ۇلكەن جالاۋدى جايىپ, سونىمەن قاتار 30 سيمۆولدىق سانىن بەينەلەدى. باستى ماقسات – جاستاردىڭ ءپاتريوتيزمىن نىعايتۋ, قازاقستاننىڭ قۇندىلىقتارى مەن جەتىستىكتەرىن ناسيحاتتاۋ.
ەسكە سالا كەتەيىك, وسىدان تۋرا 30 جىل بۇرىن, 1992 جىلى 4 ماۋسىمدا تاۋەلسىز قازاقستاننىڭ مەملەكەتتىك رامىزدەرى بەكىتىلگەن بولاتىن. بۇل كۇن جاڭا مەملەكەتتىك رامىزدەرىمىز – تۋدىڭ, ەلتاڭبانىڭ جانە ءانۇراننىڭ تۋعان كۇنى رەتىندە تاريحتا ماڭگى قالادى. رەسپۋبليكامىزدا مەملەكەتتىك رامىزدەر كۇنى قازاقستان رەسپۋبليكاسى تۇڭعىش پرەزيدەنتىنىڭ 1998 جىلعى 20 قاڭتارداعى «قازاقستان رەسپۋبليكاسىنداعى كاسىپتىك جانە وزگە دە مەرەكەلەر تۋرالى» جانە 2007 جىلعى 4 ماۋسىمداعى «جارلىققا وزگەرىس ەنگىزۋ تۋرالى» جارلىعىنا سايكەس اتالىپ وتىلەدى.
