كەزدەسۋگە حۆق-نىڭ قازاقستان بويىنشا ميسسياسىنىڭ باسشىسى نيكوليا بلانشە, ونىڭ ورىنباسارى الەحاندرو حايدەنبەرگ, ەۋروپا دەپارتامەنتىنىڭ اعا ەكونوميستى گرەگوريو يمپاۆيدو, سونداي-اق شۆەيتساريا كىشى توبىنىڭ اتقارۋشى ديرەكتورى پەتر ترابينسكي جانە قر-نىڭ بىرقاتار ورتالىق مەملەكەتتىك ورگاندارىنىڭ باسشىلارى قاتىستى.
كەزدەسۋ باسىندا ۇكىمەت باسشىسى قازاقستاننىڭ حۆق-مەن ستراتەگيالىق سەرىكتەستىكتى جوعارى باعالايتىنىن اتاپ ءوتتى. بيىل ءبىزدىڭ ەلىمىز بەن ۇيىم اراسىنداعى ىنتىماقتاستىققا 30 جىل تولىپ وتىر.
قازىرگى ۋاقىتتا قر ۇكىمەتى مەملەكەت باسشىسى قاسىم-جومارت توقاەۆتىڭ «جاڭا قازاقستان» تۇجىرىمداماسىندا بەلگىلەنگەن دەموكراتيالىق جانە الەۋمەتتىك-ەكونوميكالىق قايتا قۇرۋدى ىسكە اسىرۋ بويىنشا بەلسەندى تۇردە جۇمىس جۇرگىزىپ جاتىر.
ولار زاڭ شىعارۋشى بيلىكتى نىعايتۋعا, قۇقىق ۇستەمدىگىنە, ەكونوميكانى ساپالى جاڭعىرتۋعا, باسەكەلەستىكتى كۇشەيتۋگە, جەكە مەنشىكتى قورعاۋعا, دەمونوپوليزاتسيالاۋعا, مەملەكەتتىڭ ەكونوميكاعا شامادان تىس قاتىسۋىن ازايتۋعا باعىتتالعان.
«حۆق قازاقستان ەكونوميكاسى ءۇشىن مۇمكىندىكتەردى كەڭەيتىپ وتىر, جاڭا رەفورمالاردى ىسكە اسىرۋ اياسىندا ول ءبىز ءۇشىن اسا ماڭىزدى», دەدى ءاليحان سمايىلوۆ.
پرەمەر-مينيستر قازاقستاننىڭ ەكونوميكانى دەكاربونيزاتسيالاۋ, كومىرتەكتى ازايتۋ جانە فيسكالدىق ساياساتتىڭ ءتيىمدى تەتىكتەرىن ەنگىزۋ بويىنشا وزىق حالىقارالىق تاجىريبەگە مۇددەلى ەكەنىن ايتتى.
ءوز كەزەگىندە نيكوليا بلانشە وتكەن كەزەڭدە ىنتىماقتاستىقتىڭ كوپتەگەن باعىتتارى بويىنشا ناتيجەلى جۇمىس جۇرگىزىلگەنىن اتاپ ءوتتى. حۆق قازاقستانعا ءارى قاراي دا قولداۋ كورسەتۋگە دايىن.
كەزدەسۋگە قاتىسۋشىلار حۆق ميسسياسىنىڭ قورىتىندىلارىن, ماكروەكونوميكالىق ساياساتتىڭ باسىم باعىتتارى مەن قۇرىلىمدىق رەفورمالار بويىنشا ۇسىنىمداردى, قر ۇكىمەتىنىڭ كومىرتەك سالدارىن ازايتۋ جونىندەگى جوسپارلارىن, سونداي-اق قازاقستان مەن حۆق-نىڭ ءوزارا ءىس-قيمىلىنىڭ الداعى كەزەڭدەرىن تالقىلادى.
«مۇمكىندىكتى پايدالانىپ, حۆق-عا ءبىزدىڭ جۇمىسىمىزعا ۇنەمى قولداۋ كورسەتەتىنى ءۇشىن العىس ايتقىم كەلەدى. اراداعى ءتيىمدى ىنتىماقتاستىق ءارى قاراي جالعاسادى دەپ سەنەمىن», دەپ تۇيىندەدى قر پرەمەر-ءمينيسترى.
