3 ماۋسىم كۇندىز سولتۇستىك قازاقستان وبلىسىنىڭ وڭتۇستىگىندە, شىعىسىندا نايزاعاي كۇتىلەدى. سولتۇستىكتەن, وبلىستىڭ سولتۇستىگىندە, شىعىسىندا 15-20 م/س جەل سوعادى, ەكپىنى 23 م/س جەتەدى.
پەتروپاۆلدا سوعاتىن سولتۇستىك جەلدىڭ ەكپىنى 15-20 م/س دەيىن جەتەدى.
«كۇندىز قاراعاندى وبلىسىنىڭ سولتۇستىگىندە نايزاعاي كۇتىلەدى. باتىستان, سولتۇستىك-باتىستان جەل سوعادى, كۇندىز وبلىستىڭ سولتۇستىگىندە ەكپىنى 15-20 م/س جەتەدى», دەلىنگەن سينوپتيكتەر حابارلاماسىندا.
سونىمەن قاتار, تۇركىستان وبلىسىنىڭ سولتۇستىگىندە, باتىسىندا, تاۋلى جانە تاۋ بوكتەرىندەگى اۋداندارىندا نايزاعاي, داۋىل كۇتىلەدى. سولتۇستىك-شىعىستان وبلىستىڭ سولتۇستىگىندە, باتىسىندا, تاۋلى جانە تاۋ بوكتەرىندەگى اۋدانداردا جەل 15-20 م/س, ەكپىنى 25 م/س جەتەدى.
شىمكەنتتە تاڭەرتەڭ جانە كۇندىز نايزاعاي ويناپ, داۋىل تۇرادى. سولتۇستىك-شىعىستان جەل سوعادى, ەكپىنى 15-20 م/س جەتەدى.
تۇركىستاندا - نايزاعاي, داۋىل. سولتۇستىك-شىعىستان جەل سوعىپ, ەكپىنى 15-20 م/س جەتەدى.
قىزىلوردا وبلىسىنىڭ ورتالىعىندا نايزاعاي وينايدى. وبلىس ورتالىعىندا سولتۇستىكتەن, سولتۇستىك-شىعىستان, 15-20 م/س جىلدامدىقپەن جەل سوعادى.
الماتى وبلىسىنىڭ وڭتۇستىگىندە, شىعىسىندا جانە تاۋلى اۋداندارىندا كۇندىز نايزاعاي, داۋىل كۇتىلەدى. سولتۇستىك-شىعىستان, شىعىستان جانە وبلىستىڭ تاۋلى ايماقتارىنان جەل 15-20 م/س, ەكپىنى 25 م/س جەتەدى.
تاۋلى اۋدانداردا, سونداي-اق الماتى وبلىسىنىڭ وڭتۇستىگىندە, شىعىسىندا كۇندىز نايزاعاي, داۋىل بولادى. سولتۇستىك-شىعىستان سوعاتىن جەل وبلىستىڭ شىعىسى مەن تاۋلى ايماقتارىندا ەكپىنى 25 م/س جەتەدى.
توتەنشە جاعدايلار دەپارتامەنتى ازاماتتاردى اۋا-رايىنىڭ وزگەرۋىن باقىلاپ, ساقتىق شارالارىن ساقتاۋعا شاقىرادى.
