تولەبي اۋدانىنىڭ پوليتسەيلەرى تۇنگى قاۋىپسىزدىكتى ساقتاۋ ماقساتىندا رەيدتىك شارا جۇرگىزدى. ناتيجەسىندە, پوليتسيا قىزمەتكەرلەرى وڭتۇستىك اۋىلىنا باراتىن تاس جولدىڭ بويىندا تۇنگى ساعات 02:45 شاماسىندا Toyota Carina اۆتوكولىگىن توقتاتتى. جۇرگىزۋشىنىڭ قۇجاتتارىن تەكسەرۋ بارىسىندا ونىڭ اقتاۋ قالاسىنىڭ تۇرعىنى ەكەنى بەلگىلى بولدى.
پوليتسەيلەر ونىڭ ماس كۇيىنە كۇمان كەلتىرىپ, وعان مەديتسينالىق ساراپتاما تاعايىندادى. زەرتتەۋ قورىتىندىسىنا سايكەس, جۇرگىزۋشىنىڭ الكوگولدىك ماساڭ كۇيدە ەكەنى انىقتالدى.
ءتارتىپ ساقشىلارى اتالعان فاكتىنى قر اقبتك-ءنىڭ 608-بابى 1-بولىگى (جۇرگىزۋشىنىڭ كولىك قۇرالىن الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارۋى, سول سياقتى كولىك قۇرالىن الكوگولدىك, ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ باسقارۋىنا بەرۋ) بويىنشا تىركەپ, اۋداندىق سوتقا جولدادى.
تولەبي اۋداندىق سوتىنىڭ شەشىمىنە سايكەس, جۇرگىزۋشى قر اقبتك-ءنىڭ 608-بابى بويىنشا كىنالى دەپ تانىلىپ, 15 تاۋلىككە اكىمشىلىك قاماۋعا الىنىپ, جەتى جىل مەرزىمگە كولىك قۇرالىن باسقارۋ قۇقىعىنان ايىرىلدى.
ايانا توعانبەك
