سقو توتەنشە جاعدايلار دەپارتامەنتى باستىعىنىڭ ورىنباسارى دميتري ءراستيحيننىڭ دەرەگىنشە, جىل باستالعالى بەرى وڭىردە 316 ءورت بولىپ, سالدارىنان 27 ادام, سونىڭ ىشىندە 2 بالا مەرت بولدى. تاعى 5 ادام جاراقاتتانسا, 13 ادام يىستەن ۋلانعان. ال, ماتەريالدىق شىعىن - 266 ملن تەڭگەنى قۇرادى.
ء«ورتتىڭ باسىم بولىگى – 77%-ى جەكە تۇرعىن ءۇي سەكتورىندا بولعان. پەشتى دۇرىس قولدانباۋ, ەلەكتر قوندىرعىلارىن ورناتۋ, تەحنيكالىق پايدالانۋ ەرەجەلەرىن ساقتاماۋ جانە وتتى ابايلاماي جاعۋدان. بيىل ماۋسىم باستالعالى ورمان ءورتى كوبەيگەن. بىلتىر وسى ۋاقىتقا دەيىن 31,7 گا ورماندى القاپتا 14 ءورت تىركەلسە, بيىل 22 ءورت شىقتى, 725,8 گا القاپ زاقىمداندى, ياعني 23 ەسە وسكەن. كىنالىلەردى انىقتاۋ ءۇشىن ماتەريالدار پوليتسيا دەپارتامەنتىنىڭ بولىمشەلەرىنە بەرىلدى», دەپ اتاپ ءوتتى دميتري راستيحين.
بىلتىر 34 دالا ءورتى تىركەلسە, بيىل ماماندار 45 رەت ءورت سوندىرۋگە بارعان.
«وبلىس بويىنشا 50 ءورت ءسوندىرۋ بەكەتى قۇرىلدى. ولار 38 مىڭ تۇرعىنى بار 150 ەلدى مەكەندى ورتتەن قورعاپ وتىر. بۇدان باسقا 400-دەن استام ەرىكتى ورتكە قارسى قۇرىلىمدار بار. ولاردىڭ كومەگىمەن بيىل 28 دالا ءورتى دەر كەزىندە ءسوندىرىلدى. ال, 4 ءورتتى وسىنداي قۇرىلىمدار وزدەرى ءسوندىرىپ الدى», دەدى ۆەدومستۆو باسشىسىنىڭ ورىنباسارى.
ءورت شىعۋ قاۋپى جوعارى ايماقتاردى باقىلاۋدا ۇستاۋ ءۇشىن سقو اكىمدىگى مەن «قازاقستان عارىش ساپارى» ۇك» اق 6,5 ملن تەڭگەگە كەلىسىمشارت جاساسقان.
جالپى جىل باستالعالى بەرى 408 رەيد وتكىزىلىپ, 109 ادام اكىمشىلىك جاۋاپكەرشىلىككە تارتىلدى. 63-ءى ەسكەرتۋ السا, 46 قۇقىق بۇزۋشى جالپى سوماسى 1 ملن 355 مىڭ تەڭگە ايىپپۇل تولەدى.
