«قازاقستاننىڭ باسىم بولىگىنە سولتۇستىك انتيتسيكلونى اسەر ەتە باستايدى – جاۋىن-شاشىننىڭ توقتاپ, اۋا تەمپەراتۋراسى تومەندەيدى. تەك ەلىمىزدىڭ وڭتۇستىگى مەن شىعىسىندا تسيكلون جىراسىنىڭ اسەرىنەن جاڭبىر مەن نايزاعاي, بۇرشاق, داۋىل ساقتالادى. رەسپۋبليكا بويىنشا جەلدىڭ كۇشەيۋى, وڭتۇستىگى مەن وڭتۇستىك-باتىسىندا شاڭدى داۋىل, سولتۇستىك اۋدانداردا تۇندە جانە تاڭەرتەڭ تۇمان ءتۇسىپ, باتىستا, سولتۇستىك-باتىستا توپىراق بەتىندە ۇسىك جۇرەدى», دەلىنگەن «قازگيدرومەت» رمك حابارلاماسىندا.
اتاپ ايتقاندا, اقمولا وبلىسىنىڭ سولتۇستىگى مەن باتىسىندا تۇندە جانە تاڭەرتەڭ تۇمان, كۇندىز جەل 15-20 م/س كۇشەيەدى.
الماتى وبلىسىنىڭ سولتۇستىگى, وڭتۇستىگى مەن تاۋلى اۋداندارىندا بۇرشاق, داۋىل بولىپ, وڭتۇستىگى, شىعىسى مەن تاۋلى اۋداندارىندا جەل كۇشى 15-20, كۇندىز ەكپىنى 25 م/س جەتەدى.
كۇندىز تۇركىستان وبلىسىنىڭ باتىسى, تاۋلى, تاۋ بوكتەرلى اۋداندارىندا داۋىل سوعىپ, جەل كۇشى 15-20, ەكپىنى 23 م/س جەتەدى.
تۇندە باتىس قازاقستان وبلىسىنىڭ سولتۇستىگىندە توپىراق بەتىندە 2 گرادۋس ۇسىك جۇرەدى.
كۇندىز ماڭعىستاۋ وبلىسىنىڭ سولتۇستىگىندە جەل 15-20 م/س كۇشەيىپ, شاڭدى داۋىل سوعادى.
سولتۇستىك قازاقستان وبلىسىنىڭ سولتۇستىگى, شىعىسى, قىزىلوردا وبلىسىنىڭ سولتۇستىگى, ورتالىعى, كۇندىز قاراعاندى وبلىسىنىڭ سولتۇستىك-شىعىسىندا جەل 15-20 م/س كۇشەيىپ, قىزىلوردا وبلىسىندا شاڭدى داۋىل سوعادى.
كۇندىز قوستاناي وبلىسىنىڭ سولتۇستىگىندە جەل 15-20 م/س كۇشەيىپ, تۇندە سولتۇستىگى مەن باتىسىندا توپىراق بەتىندە 2 گرادۋس ۇسىك جۇرەدى.
پاۆلودار وبلىسىنىڭ وڭتۇستىگىندە جەل 15-20 م/س كۇشەيىپ, تۇندە شىعىسىندا تۇمان تۇسەدى.
شىعىس قازاقستان وبلىسىنىڭ سولتۇستىگى, وڭتۇستىگى مەن شىعىسىندا بۇرشاق, داۋىل بولىپ, سولتۇستىگى, وڭتۇستىگى مەن ورتالىعىندا جەل كۇشى 15-20 م/س, كۇندىز ەكپىنى 25 م/س جەتەدى.
جامبىل وبلىسىنىڭ وڭتۇستىگى مەن تاۋلى اۋداندارىندا بۇرشاق جاۋىپ, كۇندىز سولتۇستىك-شىعىسى مەن تاۋلى اۋداندارىندا جەل ەكپىنى 15-20 م/س جەتەدى.
قىزىلوردا وبلىسىنىڭ ورتالىعىندا توتەنشە ءورت قاۋپى ساقتالادى.
