اباي • 02 ماۋسىم، 2022

اقىن مۇراسىن جاڭاشا زەردەلەۋ

267 رەت كورسەتىلدى

ەلورداداعى ۇلتتىق اكادەميالىق كىتاپحانا مەن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى جانىنداعى «اباي اكادەمياسى» عىلىمي-زەرتتەۋ ينستيتۋتى بىرلەسىپ «ابايدىڭ شىعارماشىلىق مۇراسىنىڭ تاريحي-ەتنوگرافيالىق كونتەكسى» تاقىرىبىندا دوڭگەلەك ۇستەل وتكىزدى.

جيىندى جۇرگىزگەن اباي اكادەميا­سىنىڭ ديرەكتورى، فيلولوگيا عىلىمدا­رىنىڭ كانديداتى جاندوس اۋباكىر الدىمەن اتالعان عىلىمي-زەرتتەۋ ينستيتۋ­تىنىڭ اتقارعان جۇمىستارىنا قىسقاشا توقتالىپ ءوتتى.

« ۇلى اقىننىڭ 175 جىلدىق مەرەي­تويى قارساڭىندا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى جانىنان «اباي اكادەمياسى» عىلىمي-زەرتتەۋ ينستيتۋتى اشىلدى. بۇگىندە بۇل اكادەميا ەلىمىزدەگى ىرگەلى عىلىمي ورتا­لىق­تاردىڭ بىرىنە اينالىپ ۇلگەردى، اباي مۇراسىن ءتۇرلى قىرىنان زەردەلەگەن كوپتەگەن عىلىمي جيناقتاردى جا­رىققا شىعاردى. ماسەلەن، 2020 جى­لى 21 كىتاپ، 2021 جىلى 24 عىلىمي-تانىم­دىق زەرتتەۋ ەڭبەكتەرى باسىلدى. بيىل دا بۇل جۇمىستار جالعاسۋدا» دەي كەلىپ عالىم، اقىن شىعارمالارىنداعى حالقىمىزدىڭ ءومىر سالتىن ارقاۋ ەتۋ ارقىلى ادامزاتتىڭ بولمىسىن، تىرشىلىك­تىڭ ءمانىن پايىمداعان قىرلارىن ءسوز ەتتى.

جيىن بارىسىندا ونلاين بايلانىسقا شىققان ءال-فارابي اتىنداعى قازاق ۇلت­تىق ۋنيۆەرسيتەتى جانىنداعى اباي عى­لىمي زەرتتەۋ ينستيتۋتىنىڭ ديرەكتورى، فيلولوگيا عىلىمدارىنىڭ دوكتورى، پروفەسسور جاڭعارا دادەباەۆ اقىن شىعارمالارىنداعى تىرشىلىككە، تانىمعا بايلانىستى سوزدەردىڭ قورىن انىقتاۋ جانە قولدانۋ ءمانىسىن پايىمداۋ ۇلكەن عىلىمي ماسەلە ەكەندىگىن ايتتى.

«بۇل سالادا ءبىزدىڭ ءىرى عالىمدا­رىمىز­دىڭ پىكىر ايتىپ، عىلىمي تۇسىنىك بەرىپ جۇرگەنى كوپ. اباي شىعارمالارى­نىڭ ءتۇرلى باسىلىمدارىنىڭ سوڭىندا بەرىلە­تىن عىلىمي تۇسىنىكتەر اينالاسىندا ءتۇرلى ويلار مەن پىكىرلەر جيناقتالدى. بىراق ءالى اشىلماعان جايلار كەزدەسەدى. ءبىزدىڭ زەرتتەۋشىلەرىمىزدىڭ بىرقاتارى بۇل سوزدەر­دى بۇرىنعى قالپىندا قابىلداپ، وزدەرىنىڭ ويلارىن سول باعىتتا ءارى دامىتۋدا. وسى تاراپتا جاڭا پىكىر مەن جاڭا كوزقاراس ايتىپ جۇرگەن عالىمدار دا بار. قىسقاسى، بۇل باعىتتا اتقارىلاتىن جۇمىس ءالى كوپ. ءبىراز عىلىمي جوبالار كوپشىلىك نازارىنا ۇسىنىلعان جوق. ول ويلاردى، بولجامداردى ايتۋ كەيدە ارتىق بولۋى مۇمكىن. سوندىقتان بىلىكتى ماماندار توپتاسا وتىرىپ، بەلگىلى ءبىر پىكىرگە كەلۋگە ءتيىس»، دەدى عالىم.

سونداي-اق جاڭعارا دادەباەۆ اقىن­نىڭ «كۇز» دەگەن ولەڭىندەگى «قاز، تىرنا قاتار­لانىپ قايتسا بەرمەن، استىندا اق شومشى ءجۇر، ول – ءبىر كەرۋەن» دەگەن شۋ­ماعىنداعى «اق شومشى» دەگەن سوز­گە بايلانىستى تۇسىنىك اباي شىعار­مالا­رىندا بۇرىننان قايتالانىپ كەلە جاتقاندىعىن مىسالعا كەلتىردى. بەلگىلى عالىم، پروفەسسور قاني­پاش مادىباەۆا اسقان ويشىلدىڭ تىلدىك تۇلعاسىن تانۋ ءۇشىن اقىن ءومىر سۇرگەن ءداۋىر مەن كەزەڭنىڭ عىلىمي سيپاتتاماسى قاجەت ەكەندىگىن جەتكىزدى.

سونىمەن قاتار ءىس-شاراعا ەرلان سايلاۋباي، ماقسات الپىسبەك، مۇحيت ابىكەنوۆ، نۇرزيا ابدىكارىموۆا، ءىلياس قۇرمانعاليەۆ، التىناي اسقاروۆا، ال­ما­گۇل قاجىمۇرات جانە تاعى باسقا تانى­مال عالىمدار قاتىسىپ، اقىن شىعار­مالارىن جاڭا قىرىنان تالداپ، ابايتانۋ ماسەلەسى بويىنشا وي-پىكىر الماستى.

سوڭعى جاڭالىقتار

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

نوۆاك دجوكوۆيچ قازاقستانعا كەلەدى

تەننيس • 23 قىركۇيەك، 2022

اتىراۋدا قوناقۇيدەن ءورت شىقتى

وقيعا • 23 قىركۇيەك، 2022

ۇقساس جاڭالىقتار