دونورلار قاتارىن كوبەيتۋ ماقساتىندا ۇيىمداستىرىلعان اكتسياعا تالاپقا قارسى كورسەتكىشتەرى جوق, جاسى 18-گە تولعان تۇرعىندار قاتىستى. ال ءىس-شارانىڭ باسى-قاسىندا جۇرگەن ازاماتتار ء«بىزدىڭ باستى ماقساتىمىز – ءومىر ءۇشىن كۇرەسىپ جاتقان ادامدارعا قان بەرىپ, تاعدىرىنا اراشا بولىپ, ءومىر سىيلاۋ», دەيدى.
ءىس-شاراعا ەلوردالىق قحا مۇشەلەرى, جاستار, ەرىكتىلەر بەلسەندى قاتىستى. قايىرىمدىلىق اكتسياسىنىڭ ماڭىزىن اتاپ وتكەن نۇر-سۇلتان قالاسى قازاقستان حالقى اسسامبلەياسى حاتشىلىعى ەتنوسارالىق قاتىناستار ماسەلەلەرى جونىندەگى ءبولىمنىڭ باس مامانى گالينا كوبزەۆا مۇنداي يگى ءىس-شارالاردى وتكىزۋ داستۇرگە اينالعانىن جانە جىل بويى ۇيىمداستىرىلاتىنىن اتاپ ءوتتى. «ازاماتتاردىڭ دەنساۋلىعىنىڭ قان وتە ماڭىزدى بولىگى بولعاندىقتان, ءبىز ءوز قالاۋىمەن دونور بولۋعا نيەت ءبىلدىرىپ, قايىرىمدىلىق اكتسياسىنا اتسالىسۋعا كەلگەن جاندارعا ريزاشىلىعىمىزدى بىلدىرەمىز», دەدى گالينا ۆلاديميروۆنا.
اتالعان اكتسيانىڭ ماڭىزدىلىعى تۋرالى ايتا وتىرىپ, دەنساۋلىق ساقتاۋ مينيسترلىگىنىڭ ترانسفۋزيولوگيا عىلىمي-وندىرىستىك ورتالىعىنىڭ وكىلى «وسىنداي قايىرىمدىلىق باستامالارىن وتكىزۋ ارقىلى ءبىز ادامداردى مەيىرىمدى بولۋعا جانە جاقىن ادامىمىزعا كومەك قولىن سوزۋعا جول اشامىز. ەڭ باستىسى, دونورعا مۇقتاج جانداردىڭ تىلەگى ورىندالاتىنى جۇرەككە جىلىلىق ۇيالاتادى», دەيدى.
