باقىتجان ءابدىر ۇلى 1963 جىلى 13 قازاندا جامبىل وبلىسىنىڭ ءۇشارال اۋىلىندا دۇنيەگە كەلگەن. س.م.كيروۆ اتىنداعى قازاق مەملەكەتتىك ۋنيۆەرسيتەتىنىڭ فيلوسوفيا-ەكونوميكا فاكۋلتەتىن بىتىرگەن.
1985 جىلدان - الماتى حالىق شارۋاشىلىعى ينستيتۋتىنىڭ ساياسي ەكونوميا كافەدراسىنىڭ مەڭگەرۋشىسى. 1988 جىلدان س.م.كيروۆ اتىنداعى قازاق مەملەكەتتىك ۋنيۆەرسيتەتىنىڭ الەۋمەتتانۋ كافەدراسىندا اسسيستەنت, اعا وقىتۋشى, دوتسەنت.
1992 جىلدان كوممەرتسيالىق قۇرىلىمداردا باسشىلىق جۇمىستاردا بولدى. 1998 جىلدان - جامبىل وبلىسى اكىمىنىڭ ورىنباسارى.
1999 جىلدان - قر شاعىن بيزنەستى قولداۋ اگەنتتىگى توراعاسىنىڭ ورىنباسارى.
2000 جىلدان - «شاعىن كاسىپكەرلىكتى دامىتۋ قورى» جاق باسقارما توراعاسى.
2001 جىلدان قر تابيعي مونوپوليالاردى رەتتەۋ, باسەكەلەستىكتى قورعاۋ جانە شاعىن بيزنەستى قولداۋ اگەنتتىگى توراعاسىنىڭ ءبىرىنشى ورىنباسارى.
2004 جىلدان - قر تابيعي مونوپوليالاردى رەتتەۋ اگەنتتىگىنىڭ توراعاسى.
2007 جىلدان - قر پرەمەر-ءمينيسترى كەڭسەسىنىڭ باسشىسى. 2008 جىلدان - پاۆلودار وبلىسىنىڭ اكىمى.
2012 جىلعى قاڭتاردان قىركۇيەككە دەيىن - قر ەكونوميكالىق دامۋ جانە ساۋدا ءمينيسترى.
2012-2013 جىلدارى - «نۇر وتان» حدپ توراعاسىنىڭ ءبىرىنشى ورىنباسارى قىزمەتتەرىن اتقارعان. قر پرەمەر-ءمينيسترىنىڭ ءبىرىنشى ورىنباسارى (2013-2016); قر پرەمەر-ءمينيسترى (2016-2019); قازاقستان رەسپۋبليكاسىنىڭ مەملەكەتتىك حاتشىسى (2019-24.03.2019); قازاقستان رەسپۋبليكاسى پرەزيدەنتى اكىمشىلىگىنىڭ باسشىسى (03.2019-06.2019).
2019-2022 جىلدارى الماتى قالاسىنىڭ اكىمى.
ايتا كەتەيىك, وسى جىلعى 31 قاڭتاردا مەملەكەت باسشىسىنىڭ جارلىعىمەن باقىتجان ءابدىر ۇلى ساعىنتاەۆ الماتى قالاسىنىڭ اكىمى لاۋازىمىنان باسقا جۇمىسقا اۋىسۋىنا بايلانىستى بوساتىلعان ەدى.
ايانا توعانبەك
