اپوستول سارايىنىڭ پاپا كىتاپحاناسىندا وتكەن كەلىسسوزدەر بارىسىندا پونتيفيك قازاقستان ۆاتيكاننىڭ ورتالىق ازياداعى سەنىمدى سەرىكتەسى ەكەنىن اتاپ ءوتتى. ريم-كاتوليك شىركەۋىنىڭ باسشىسى قازاقستان پرەزيدەنتى قاسىم-جومارت توقاەۆتىڭ جاڭا قازاقستاندى قۇرۋ جانە كونستيتۋتسياعا وزگەرىستەر ەنگىزۋ بويىنشا الداعى جالپىۇلتتىق رەفەرەندۋم وتكىزۋ اياسىنداعى ساياسي جانە ەكونوميكالىق رەفورمالارىنا جوعارى باعا بەردى. تاراپتار وسى جىلدىڭ قىركۇيەك ايىندا قازاقستان استاناسىندا وتەتىن الەمدىك جانە ءداستۇرلى دىندەر ليدەرلەرىنىڭ VII سەزىنىڭ كۇن ءتارتىبىن تالقىلادى. پونتيفيك قازاقستاننىڭ كونفەسسياارالىق كەلىسىم مەن دىنارالىق ديالوگتى ىلگەرىلەتۋگە قوسقان ۇلەسىن ريزاشىلىقپەن اتاپ ءوتتى.
ريم پاپاسى فرانتسيسكتىڭ قازاقستانعا مەملەكەتتىك ساپارمەن كەلۋى جانە سەزد جۇمىسىنا قاتىسۋى تۋرالى تاريحي شەشىمى ەرەكشە اتاپ ءوتىلدى. مينيستر پاپانىڭ ساپارىن تەك قازاقستان عانا ەمەس, بۇكىل ورتالىق ازيادان كەلگەن كاتوليكتەر تاعاتسىزدانا كۇتەتىنىن حابارلادى.
سول كۇنى م.تىلەۋبەردى قاسيەتتى تاقتىڭ مەملەكەتتىك حاتشىسى (پرەمەر-ءمينيسترى) كاردينال پەترو پارولينمەن جانە دىنارالىق ديالوگ بويىنشا پاپا كەڭەسىنىڭ توراعاسى كاردينال ميگەل انحەل ايۋسو گيكسوتپەن ەكىجاقتى كەلىسسوزدەر جۇرگىزدى.
تاراپتار قازاقستان مەن قاسيەتتى تاق اراسىنداعى رۋحاني كەلىسىم مەن ءوزارا قۇرمەت سالاسىنداعى ىنتىماقتاستىقتى ودان ءارى دامىتۋ ماسەلەلەرىن تالقىلادى.
كونفەسسياارالىق ديالوگتى دامىتۋعا, سونداي-اق الەمدىك جانە ءداستۇرلى دىندەر ليدەرلەرى سەزىنىڭ يدەيالارىن ىلگەرىلەتۋگە قوسقان قوماقتى ۇلەسى ءۇشىن م.تىلەۋبەردى مەملەكەت باسشىسىنىڭ اتىنان م.ا.ايۋسو گيكسوتقا ءىى دارەجەلى «دوستىق» وردەنىن تاپسىردى.
