2022 جىلدىڭ 27 مامىرىندا قىزىلوردا وبلىسىندا دەنە شىنىقتىرۋ جانە سپورت باسقارماسىنىڭ باسشىسى وسپانوۆقا قاتىستى ايىپتاۋ ۇكىمى شىعىپ, وعان 5 ميلليون تەڭگە كولەمىندە ايىپپۇل سالىندى.
وسى ۇكىممەن وليمپيادالىق رەزەرۆتىڭ وبلىستىق مامانداندىرىلعان بالالار مەن جاسوسپىرىمدەر مەكتەبىنىڭ 5 ديرەكتورى جۇماباەۆ, يلين, اقبەرگەنوۆ, سەكسەمباەۆ پەن كيكباەۆ 10-20 ميلليون تەڭگەگە دەيىن ءتۇرلى ايىپپۇلدارعا سوتتالدى.
بارلىق تۇلعالار وبلىستىڭ سپورت مەكتەپتەرىنىڭ قىزمەتىنە جۇرگىزىلگەن تالداۋ بويىنشا وڭ شەشىم شىعارعانى ءۇشىن تەكسەرۋشى ادامعا 6,5 ميلليون تەڭگە مولشەرىندە پارا بەرۋگە وقتالعانى ءۇشىن كىنالى دەپ تانىلدى.
سوتتالعاندار ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى. ۇكىم زاڭدى كۇشىنە ەنگەن جوق.
