قازگيدرومەتتىڭ مالىمەتىنشە, بۇگىن ەلىمىزدىڭ سولتۇستىگىندە, شىعىسىندا, وڭتۇستىك-شىعىسىندا جانە ورتالىعىندا اتموسفەرالىق فرونتتاردىڭ اسەرىنەن تۇراقسىز اۋا رايى ساقتالادى, جاڭبىر جاۋىپ, نايزاعاي وينايدى, جەل كۇشەيەدى جانە بۇرشاق جاۋادى.
الماتى وبلىسىنىڭ تاۋلى ايماقتارىندا نايزاعاي, كۇندىز بۇرشاق, داۋىل بولادى. جەل كۇشەيەدى, وڭتۇستىكتە, تاۋلى اۋدانداردا جەل ەكپىنى - 17-22, وبلىستىڭ شىعىسىندا - 24-29 م/س جەتەدى.
سولتۇستىك قازاقستان وبلىسىنىڭ سولتۇستىگىندە, شىعىسىندا نايزاعاي, بۇرشاق, داۋىل, جەل قارقىنى تۇندە سولتۇستىكتە, باتىستا - 15-20 م/س, كۇندىز باسىم بولىگىندە - 15-20, ەكپىنى 25 م/س دەيىن كۇشەيەدى.
قوستاناي وبلىسىنىڭ سولتۇستىك جارتىسىندا نايزاعاي, بۇرشاق, داۋىل كۇتىلەدى, سولتۇستىگىندە تۇندە جەل - 15-20, كۇندىز باسىم بولىگىندە - 15-20, كۇندىز ەكپىنى - 23 م/س.
اقمولا وبلىسىنىڭ سولتۇستىگىندە, باتىسىندا, شىعىسىندا نايزاعاي, بۇرشاق, داۋىل كۇتىلەدى, جەلدىڭ كۇشى - 15-20, كۇندىز ەكپىنى 23 م/س جەتەدى.
قاراعاندى وبلىسىنىڭ سولتۇستىگىندە, شىعىسىندا نايزاعاي, بۇرشاق, داۋىل كۇتىلەدى, تۇندە وبلىستىڭ باتىسىندا جەل قارقىنى - 15-20, كۇندىز - 15-20, 25 م/س. كۇندىز پاۆلودار وبلىسىنىڭ باسىم بولىگىندە نايزاعاي, بۇرشاق, داۋىل بولادى, وبلىستىڭ باتىسىندا, وڭتۇستىگىندە, ورتالىعىندا جەل 15-20 م/س دەيىن كۇشەيەدى.
شىعىس قازاقستان وبلىسىنىڭ سولتۇستىگىندە, شىعىسىندا نايزاعاي, بۇرشاق, داۋىل تۇرادى. جەل ەكپىنى - 15-20 م/س. جامبىل وبلىسىنىڭ وڭتۇستىگىندە, شىعىسىندا, تاۋ جانە تاۋلى اۋدانداردا نايزاعاي, بۇرشاق, كۇندىز جەلدىڭ جىلدامدىعى 15-20 م/س جەتەدى.
كۇندىز قىزىلوردا وبلىسىنىڭ ورتالىعىندا جەلدىڭ كۇشى - 15-20 م/س, شاڭدى داۋىل سوعادى. شىعىس قازاقستاننىڭ وبلىسىنىڭ جارما, كاتون-قاراعاي اۋداندارىندا, قىزىلوردا وبلىسىنىڭ ورتالىعىندا توتەنشە ءورت قاۋپى ساقتالادى.
