«2021 جىلى تاۋلىك بويى ستاتسيونار جاعدايدا 52 963 بالا ەم الدى. «قامقورلىق» باستاماسىنىڭ ءىى-كەزەڭىن جۇزەگە اسىرۋ اياسىندا 2022 جىلدىڭ باسىندا 8 رەسپۋبليكالىق ورتالىق تۇركىستان, جامبىل, الماتى, شىعىس قازاقستان, ماڭعىستاۋ, قىزىلوردا, اقمولا, اقتوبە وبلىستارىندا, 2 ەرتە ارالاسۋ ورتالىعى الماتى مەن شىعىس قازاقستان وبلىستارىندا اشىلدى», دەدى ۇكىمەت باسشىسىنىڭ ورىنباسارى دەپۋتاتتىق ساۋالعا بەرگەن جاۋابىندا.
ۆيتسە-ءمينيستردىڭ ايتۋىنشا, بيىل ەلىمىز بويىنشا 17 «قامقورلىق» ەرتە ارالاسۋ ورتالىعىن تۇرعىزۋ جوسپارلانعان. حالىقتى الەۋمەتتىك قورعاۋ جۇيەسى اياسىندا ارقايسىسى 150 ورىنعا ارنالعان وڭالتۋ ورتالىقتارىن اقمولا, اقتوبە, الماتى, اتىراۋ, شىعىس قازاقستان, جامبىل, باتىس قازاقستان, پاۆلودار, تۇركىستان وبلىستارىندا جانە الماتى, نۇر-سۇلتان, شىمكەنت قالالارىندا اشۋ كوزدەلگەن.
«سونىمەن قاتار 8 وڭىردە اۋتيستيكالىق سپەكترى بۇزىلعان جانە وزگە دە مەنتالدى كەمشىلىكتەرى بار بالالار كۇندىز كەلىپ ەم الاتىن ورتالىقتار اشۋ جوسپارلانىپ وتىر», دەدى ەرالى توعجانوۆ.
