قاسىم-جومارت توقاەۆقا «سامۇرىق-قازىنا» قورىنىڭ بيىلعى ءتورت ايدا اتقارعان جۇمىستارىنىڭ قورىتىندىسى جونىندە ەسەپ بەرىلدى.
پرەزيدەنتكە قوردىڭ وندىرىستىك, قارجىلىق كورسەتكىشتەرى مەن وسى جىلعا ارنالعان بولجامدارى تۋرالى باياندالدى. بەرىلگەن مالىمەتتەرگە سايكەس «سامۇرىق-قازىنا» اكتسيونەرلىك قوعامى قازىرگى ۋاقىتتا جوسپارلانعان ناتيجەگە قول جەتكىزگەن.
الماسادام ساتقاليەۆ مەملەكەت باسشىسىنا ماڭىزدى ينۆەستيتسيالىق جوبالاردىڭ ىسكە اسىرىلۋ بارىسى, ءىرى ينفراقۇرىلىمدىق نىساندارعا جۇرگىزىلگەن جوندەۋ جۇمىستارى, سونداي-اق قورعا قاراستى پورتفەلدى كومپانيالاردىڭ IPO-عا دايىندىعى جونىندە باياندادى.
كەزدەسۋ سوڭىندا قاسىم-جومارت توقاەۆ «سامۇرىق-قازىنا» اكتسيونەرلىك قوعامىنىڭ قىزمەتىنە قاتىستى بىرقاتار ناقتى تاپسىرما بەردى.
