«التىننىڭ پورتفەلى ۇلعايۋى جانە قارجى مينيسترلىگىنىڭ ۇلتتىق بانكتەگى شوتتارىنا قاراجات ءتۇسۋى ەسەبىنەن التىنۆاليۋتا رەزەرۆتەرى ءوستى. التىن پورتفەلى باسىم قۇقىقتى ىسكە اسىرۋ شەڭبەرىندە التىندى ساتىپ الۋعا بايلانىستى 200 ملن دوللاردان استام ءوستى. ەلدىڭ جالپى حالىقارالىق رەزەرۆتەرى, جالپى العاندا, ۇلتتىق قوردىڭ شەتەل ۆاليۋتاسىنداعى اكتيۆتەرىن (52,5 ملرد اقش دوللارى) قوسا, 2022 جىلعى ءساۋىردىڭ سوڭىندا 85,9 ملرد اقش دوللارىن قۇرادى. 2022 جىلعى ساۋىردە اقشا بازاسى 7,6%-عا تارىلىپ, 9 968,0 ملرد تەڭگەنى قۇرادى», دەلىنگەن حابارلامادا.
2022 جىلعى ساۋىردە اقشا ماسساسى 28 984,2 ملرد تەڭگە بولىپ, 1,8%-عا (جىل باسىنان باستاپ – 3,7%-عا) تومەندەدى. ال اينالىمداعى قولما-قول اقشا 3 106,6 ملرد تەڭگەگە دەيىن 1,6%-عا (جىل باسىنان باستاپ 3,6%-عا) ءوستى.
