الماتى اكىمىنىڭ ايتۋىنشا, ولار قازىر قىزمەت كورسەتىپ تۇرعان توعىز ستانتسيانىڭ جالعاسى رەتىندە قالا ورتالىعىن شەتكى اۋداندارمەن بايلانىستىرادى.
ەكى جاڭا بەكەت ىسكە قوسىلعالى مەترو جەلىسىنىڭ جالپى ۇزىندىعى 3,1 شاقىرىمعا ۇزارىپ, 13,4 شاقىرىمدى قۇرايدى. جەلى بويىنا 7-10 مينۋت سايىن جۇرەتىن ءتورت ۆاگوندى 15 ەلەكتر پويىزىن جىبەرۋ جوسپارلانعان. مەترو كۇنىنە 85 مىڭ جولاۋشىعا دەيىن تاسىمالداي الادى.
«باۋىرجان مومىش ۇلى» ستانتسياسى اباي داڭعىلى بويىندا مومىش ۇلى كوشەسىنىڭ باتىسىندا ورنالاسقان. تاياز ورنالاسقان, ەكى ۆەستيبيۋل مەن التى كىرەبەرىسى بار. ستانتسيادا التى جەدەلساتى مەن ون بەس ەسكولاتور ورناتىلعان. پلاتفورما ۇزىندىعى 108 مەتر الماتى مەترو جەلىسىنىڭ ون ءبىرىنشى ستانتسياسى ازىرگە سوڭعى ستانتسيا بولىپ سانالادى.
ستانتسيا ۇلكەن تۇرعىن الابىنىڭ ورتاسىندا ورنالاسقان. قابىرعالار مەن تىرەۋىشتەردى بەزەندىرۋ ءۇشىن اشىق رەڭكتى مارجان-سۇر ءتۇستى اعاش تەكتەس كەراميكالىق پانەلدەر, ال ەدەندى قاپتاۋعا - اشىق سۇر ءتۇستى تابيعي گرانيت پايدالانىلعان.
بولاشاقتا «قالقامان» ستانتسياسى قۇرىلىسىن اياقتاپ, مەترونى باتىس باعىتتا «بارلىق» بازارىنا دەيىن دامىتۋ جوسپارلانعان.
