ۇيىمداستىرۋشىلار سەنبىلىك وتەتىن ورىن كەزدەيسوق تاڭدالماعانىن ايتادى. كوكجايلاۋدىڭ تانىمالدىلىعى ايماقتىڭ ەكوجۇيەلەرىنىڭ جاعدايىنا كەرى اسەر ەتتى.
قوعامدىق ءىس-شارانى ۇيىمداستىرعان ىنتالى توپتىڭ ءبىرى Kaz Eco Patrol-ءدىڭ وكىلى الەكساندرا ادۆەرسانىڭ بايانداۋىنشا, كوكجايلاۋعا دەگەن الماتىلىقتاردىڭ ىقىلاسى ەرەكشە. سودان كەيىن بيىلعى سەنبىلىك بارىسىندا الماتىلىقتاردا ەكولوگيالىق جانە تازالىق مادەنيەتىنىڭ قالىپتاسىپ قالعانى ايقىن كورىندى. سەنبىلىك ناتيجەسى كورسەتكەندەي, قوقىس قالدىقتارى الدىڭعى جىلدارمەن سالىستىرعاندا از شىعارىلدى. بۇل – جاعىمدى جاڭالىق. دەگەنمەن سەنبىلىككە قاتىسۋشىلار ايالداماعا دەيىن 10 شاقتى قاپ قوقىس جيناعان. تابيعاتقا شىعاتىن الماتىلىقتار اراسىندا تەمەكى تارتقاندى ۇناتاتىندار دا كوپ ەكەن. س.ادۆەرسا ايتىپ وتكەندەي, كوكجايلاۋ باعىتىن بەتكە العان تازالىق ساقشىلارى – «پروسۆەششەنەتس» دەمالىس ءۇيى, ەكىنشى توپ – «الما-اراسان» دەمالىس باعىتىنداعى تاۋ شاتقالدارىن تازالاپ, كوكجايلاۋدا كەزدەستى. تاراتىپ ايتقاندا, ەكى باعىتتى بەتكە العان دەمالىس ساقشىلارى «كەزدەسۋ ورنى – كوكجايلاۋ» دەگەن ۇستانىمعا باسىمدىق بەردى.
اعاشتاردى قۋراعان بۇتاعىنان تازارتىپ, جول بويىنداعى ورىندىقتاردى, جول بەلگىلەرىن تازالاپ, بوياپ, رەتكە كەلتىردى. جاستاردىڭ ايتۋىنشا, بۇل سەنبىلىك بۇرىنعىدان وزگەشە. سەبەبى ولار جينالعان قوقىس اراسىنان پلاستيكتەردى ءبولىپ الىپ, قالدىقتاردى قايتا وڭدەۋگە وتكىزگەن. س.ادۆەرسە ءسوز اراسىندا جاز-كۇز ماۋسىمىندا مۇنداي سەنبىلىكتەردى ءجيى وتكىزۋ تەك ەكولوگيالىق جاعىنان ەمەس, ەكونوميكالىق جاعىنان دا ءتيىمدى ەكەنىن اتاپ ءوتتى. سەبەبى جىلداعىداي تاۋ شاتقالدارىنان جيىلعان قوقىس قالدىقتارىنىڭ 80 پايىزى – پەت بوتەلكەلەرى.
