رەفەرەندۋم-2022 • 30 مامىر، 2022

جاستار بەلسەندى بولعانى ءجون

29 رەت كورسەتىلدى

ەلورداداعى جوعارى كولىك جانە كوممۋنيكاتسيا كوللەدجىندە قازاقستان ءماسليحاتتارى دەپۋتاتتارى بىرلەستىگىنىڭ ۇيىتقى بولۋىمەن «ساياسي جۇيە: جاڭا پەرسپەكتيۆالار» تاقىرىبىندا دوڭگەلەك ۇستەل ءوتتى.

ءىس-شارانى اشقان نۇر-سۇلتان قالالىق قوعامدىق كەڭەسىنىڭ تورا­عاسى، رەفەرەندۋمدى قولداۋ جونىن­دەگى رەسپۋبليكالىق قوعام­دىق شتابتىڭ ەلورداداعى وكىل­دى­گى­نىڭ توراعاسى زۇلپۇحار عايىپوۆ ساياسي ناۋقاننىڭ مەملەكەت ءۇشىن ماڭىزى زور ەكەنىن اتاپ ءوتتى.

باسقوسۋ بارىسىندا ءسوز ال­عان ۇلتتىق عىلىم اكادە­ميا­­سىنىڭ اكادەميگى، فيلولوگيا عىلىمدارىنىڭ دوكتورى كارىمبەك قۇرماناليەۆ جالپى­حا­­لىقتىق رەفەرەندۋمنىڭ  جاڭا  قازاق­ستاندى قۇرۋداعى رولىنە ايرى­ق­شا توقتالدى.

«بەسىنشى ماۋسىم كۇنى قازاق­ستان حالقى تاريحي تاڭداۋىن جا­سايدى. پرەزيدەنت قاسىم-جومارت توقاەۆ ايتىپ جۇرگەن «جاڭا قازاقستان»، «ادىلەتتى قازاقستان»، «حالىق ۇنىنە قۇلاق اساتىن مەملەكەت» ۇعىمدارىنىڭ بارلىعى دا كونستيتۋتسياعا ەنگى­زىل­گەلى وتىرعان وزگەرىستەر مەن تولىقتىرۋلاردا تولىققاندى قامتىلعان. سوندىقتان دا ءبىز تا­ريحتىڭ جاڭا بەتىن ايقارا اشۋ جولىندا جۇمىلعان جۇ­دى­رىق­تاي بىرىگۋىمىز كەرەك. كورشى-قولاڭعا، جاستارعا، جالپى قازاق­س­تان­دىقتارعا ساياسي ناۋقاننىڭ ماڭىزىن ءتۇسىندىرىپ، ولاردى بەل­سەن­دى بولۋعا شاقىرعانىمىز ابزال­»، دەدى اكادەميك.

بۇدان كەيىن ءسوز العان تاريحشى ەرناز باتىرحان جالپىحالىقتىق رەفەرەندۋم مەن پرەزيدەنت ۇسىن­عان ساياسي رەفورمالار پاكە­تىنىڭ تاۋەلسىز قازاقستاندى جاڭ­عىر­تۋداعى ءرولى زور ەكەنىن العا تارتتى. «مەملەكەت باسشىسى حا­لىقتىڭ پىكىرىمەن ساناسقاندى ماقۇل كورىپ وتىر. سوندىقتان دا بۇل ساياسي ناۋقاندا جاستار جاعى بەلسەندى بولعانى ءجون. مۇنداي ماڭىزدى ناۋقاننان شەت قالۋعا بولمايدى» دەدى ول.

ءىس-شارا بارىسىندا ءسوز سوي­لە­گەن مەملەكەت تاريحى ينس­تي­تۋتىنىڭ جەتەكشى عىلى­مي قىز­مەتكەرى باۋىرجان شەرياز­دانوۆ كونستيتۋتسيالىق رەفور­ما­نىڭ نەگىزى دەموكراتيالىق ۇدەرىسپەن استاسىپ جاتقانىنا نازار اۋدارتتى. «الداعى رەفەرەندۋمدا حالىق قولداسا، اتا زاڭداعى 33 باپقا وزگەرىستەر مەن تولىقتىرۋلار ەنگىزىلمەك. بۇعان دەيىن پرەزيدەنت قاسىم-جومارت توقاەۆ بيلىك پار­تياسىنىڭ توراعالىعىنان باس تارتقانى ءمالىم. بۇل – دە­موك­راتيالىق قوعامنىڭ كورى­نى­سى. ءوز كەزەگىندە ساياسي پارتيا قۇ­رۋعا نيەتتى ازاماتتارعا دا جاع­­­داي جاسالدى. بۇل الداعى ساي­­لاۋلاردا پارتيالاردىڭ باسە­كە­لەستىگى تەڭ دارەجەدە وتە­تىنىن بىلدىرەدى. سونداي-اق مەملەكەت باسشىسىنىڭ ءماجىلىستىڭ ءرولىن كۇشەيتۋگە دەن قويعانى دا قۋان­تىپ وتىر. ءبىر سوزبەن ايتقاندا، پرەزيدەنتتىڭ ساياسي رەفورماسى ەلدىڭ كوڭىلىنەن شىعاتىنى داۋسىز. رەفەرەندۋم – حالىق تاڭداۋى، رەفورمانىڭ باستاۋى. سول ءۇشىن دە قازاقستان حالقى ءوز تاڭداۋىن دۇرىس جاساۋى كەرەك»، دەدى ينستيتۋت قىزمەتكەرى.

كەزدەسۋدە ءسوز العان وزگە ازا­مات­تار دا جالپىحالىقتىق رەفە­رەن­دۋمنىڭ جاڭا قازاق­ستان­دى قۇرۋداعى ماڭىزىن جان-جاقتى زەردەلەپ، جينالعانداردى ساياسي ناۋقاننان شەت قالماۋعا شاقىردى.

سوڭعى جاڭالىقتار

دوللار ارزاندادى

ەكونوميكا • بۇگىن، 16:52

قوسشىدا جاڭا مەكتەپ اشىلادى

ءبىلىم • بۇگىن، 16:25

ۇقساس جاڭالىقتار