كوللاجدى جاساعان زاۋرەش سماعۇل, «EQ»
زەينەتاقى جيناقتارىنىڭ نەگىزگى بولىگى مىندەتتى زەينەتاقى جارنالارى ەسەبىنەن قۇرالعان – 12,6 ترلن تەڭگە. سوڭعى 12 ايداعى ءوسىم 2,4 پايىزعا تەڭ. مىندەتتى كاسىپتىك زەينەتاقى جارنالارى بويىنشا زەينەتاقى جيناقتارىندا 377,4 ملرد تەڭگە ء(وسىم 18,2 پايىز) قالىپتاسىپ وتىر. ەرىكتى زەينەتاقى جارنالارى بويىنشا زەينەتاقى جيناقتارىنىڭ جالپى كولەمى شامامەن 1,8 ملرد تەڭگەگە تەڭ.
قوردىڭ حابارلاۋىنشا, كىرىس اعىندارى, ياعني جارنالار بيىل كوبەيگەن. 2022 جىلدىڭ قاڭتار-ساۋىرىندە سالىمشىلاردىڭ شوتىنا شامامەن 523,5 ملرد تەڭگە كولەمىندە زەينەتاقى جارناسى ءتۇسىپتى. بۇل 2021 جىلدىڭ سايكەس كەزەڭىندەگى كورسەتكىشتەن 27 پايىزعا جوعارى. كورسەتكىش 110,7 ملرد تەڭگەگە اسىپ تۇسكەن. ءوسىم جارنالاردىڭ بارلىق ءتۇرى بويىنشا قالىپتاسىپ وتىر. جارنالاردىڭ جالپى كولەمىنىڭ 95,1 پايىزى مىندەتتى زەينەتاقى جارنالارى تۇسىمدەرىن قۇرايدى – 497,7 ملرد تەڭگە (سوڭعى 12 ايداعى ءوسىم 26 پايىز), مىندەتتى كاسىپتىك زەينەتاقى جارنالارى بويىنشا 25,4 ملرد تەڭگە ء(وسىم 37 پايىز) تۇسسە, ەرىكتى زەينەتاقى جارنالارى بويىنشا 400 ملن تەڭگە ء(وسىم 85 پايىز) اۋدارىلعان.
سالىمشىلاردىڭ جارناسىنان باسقا, زەينەتاقى جيناقتارىنىڭ ءوسىمى تازا ينۆەستيتسيالىق تابىس ارقىلى قامتاماسىز ەتىلەتىنى بەلگىلى. 2022 جىلدىڭ 1 قاڭتارى مەن 1 مامىرى ارالىعىندا بۇل كورسەتكىش 128,7 ملرد تەڭگەگە تەڭ بولدى.
«2022 جىلدىڭ 1 مامىرىنا قاراي, بىرىڭعاي جيناقتاۋشى زەينەتاقى قورىنداعى جەكە زەينەتاقى شوتتارىنىڭ سانى 11,7 ملن-عا جەتتى. شوتتاردىڭ ەڭ كوپ ۇلەسى مىندەتتى زەينەتاقى جارنالارى ەسەبىنەن اشىلدى – 10 870 075. مىندەتتى كاسىپتىك زەينەتاقى جارنالارىنان قالىپتاسقان شوتتار ءبىر جىلدا 8,4 پايىزعا ۇلعايىپ, 565 802-گە جەتتى. ال ەرىكتى زەينەتاقى جارنالارى ەسەبىنەن قالىپتاسقان شوتتار سانى 60 پايىزعا كوبەيىپ, 69 188-ءدى قۇرادى», دەپ حابارلادى زەينەتاقى قورى.
جىل باسىنان بەرى بجزق ءوز سالىمشىلارىنا 921,4 ملرد تەڭگە تولەگەنىن اتاپ وتكەن ءجون. ونىڭ باسىم بولىگىن تۇرعىن ءۇي جاعدايىن جاقسارتۋ جانە ەمدەۋ ماقساتتارىنا ارنالعان بىرجولعى زەينەتاقى تولەمدەرى قۇرايدى – 831,7 ملرد تەڭگە. جاسىنا بايلانىستى تولەمدەر – 37 ملرد تەڭگەنى, مۇراگەرلىك بويىنشا تولەمدەر – 23,4 ملرد تەڭگەنى, قازاقستان شەگىنەن تىس تۇراقتى تۇرۋعا كەتۋگە بايلانىستى تولەمدەر – 16,9 ملرد تەڭگەنى, ساقتاندىرۋ ۇيىمدارىنا اۋدارىلعان سوما – 9,7 ملرد تەڭگەنى, جەرلەۋگە ارنالعان تولەمدەر – 1,9 ملرد تەڭگەنى جانە مۇگەدەكتىك بويىنشا تولەمدەر 0,8 ملرد تەڭگەنى قۇراعان.
بجزق-دان كەستە بويىنشا اي سايىنعى ورتاشا تولەم (زەينەت جاسىنا تولۋىنا بايلانىستى) 29 360 تەڭگە بولسا, ال اي سايىنعى ەڭ جوعارى تولەم 707 326 تەڭگەگە تەڭ بولدى.
