وقيعا • 29 مامىر، 2022

پاۆلودار وبلىسىندا ۋلانعان التىنشى ادام قايتىس بولدى

81 رەت كورسەتىلدى

پاۆلودار وبلىسىندا بەلگىسىز زاتپەن ۋلانىپ، قايتىس بولعاندار سانى التىعا جەتتى، دەپ حابارلايدى Egemen.kz.

پاۆلودار وبلىسى دەنساۋلىق ساقتاۋ باسقارماسىنىڭ مالىمەتىنشە، ەر ادام جانساقتاۋ بولىمىندە قايتىس بولدى.

«1980 جىلعى ناۋقاستىڭ جاعدايى وتە اۋىر بولدى. ول 29 مامىردا تاڭەرتەڭ قايتىس بولدى»، دەپ حابارلادى ۆەدومستۆو وكىلدەرى.

دارىگەرلەردىڭ ايتۋىنشا، قازىر جانساقتاۋ بولىمىندە ەرتىستەن پاۆلوداردىڭ قالالىق اۋرۋحاناسىنا جەتكىزىلگەن تاعى ءبىر ەر ادام بار. ونىڭ جاعدايى دا وتە اۋىر.

ەسكە سالايىق، پاۆلودار وبلىسىنىڭ ەرتىس اۋىلىندا 7 ەر ادام بەلگىسىز زاتپەن ۋلاندى. ولاردىڭ ءبارى اۋىل تۇرعىندارىنىڭ بىرىندە كانيستردە ساقتالعان بەلگىسىز سۇيىقتىقتى ىشكەن. ۋلانعانداردىڭ ۇشەۋى ۇيدە، تاعى ەكەۋى ەرتىس اۋدانىنىڭ اۋداندىق اۋرۋحاناسىندا قايتىس بولدى. كەيىنىرەك تاعى ءبىر ادام قايتىس بولعانى بەلگى بولدى. مارقۇمداردىڭ اراسىندا اكە مەن ۇلى بار.

اتالعان دەرەك بويىنشا پوليتسەيلەر تەكسەرىس جۇرگىزىپ، اۋىل تۇرعىندارىنىڭ دەنەلەرى سوت ساراپتاماسىنا تاپسىرىلدى. سونداي-اق، كانيستردەگى سۇيىقتىق قالدىقتارىنا ساراپتاما تاعايىندالدى.



 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار