وقيعا • 29 مامىر، 2022

پاۆلودار وبلىسىندا كۇنباعىس مايى تيەلگەن جۇك كولىگى ورتەنىپ كەتتى

18 رەت كورسەتىلدى

پاۆلودار وبلىسى ۋسپەنكا اۋىلىنىڭ ماڭىندا 10 توننا كۇنباعىس مايى تيەلگەن جۇك كولىگى جانىپ كەتتى، دەپ حابارلايدى Egemen.kz.

وقيعا ورنىنان ۆيدەونى كۋاگەرلەر Instagram-دا جاريالادى. كادرلاردا تاسجولدا جانىپ جاتقان اۆتوموبيل قالعان كولىكتەردىڭ قوزعالىسىنا كەدەرگى كەلتىرىپ تۇرعانى كورىنەدى. سونداي-اق، جۇك كولىگىنىڭ جانىندا ءشوپ جانىپ جاتىر.

پاۆلودار وبلىسى تجد ءباسپاسوز قىزمەتىنىڭ مالىمەتىنشە، ءورت تۋرالى حابارلاما 28 مامىردا ساعات 12.06-دا تۇسكەن.

«رەسپۋبليكالىق ماڭىزى بار پاۆلودار - ۋسپەنكا - رف اۆتوجولىندا پلاستيك ىدىسقا قۇيىلعان شامامەن 10 توننا وسىمدىك مايى تيەلگەن 2004 جىلى شىعارىلعان Krone ZZF 18 ماركالى تارتقىش تولىعىمەن جانىپ كەتتى»، دەپ حابارلادى ۆەدومستۆونىڭ ءباسپاسوز قىزمەتىندەگىلەر.

«جۇك نوۆوسىبىردەن بىشكەككە قاراي قازاقستان شەكاراسى ارقىلى بارا جاتقان. سونداي-اق، اۋدانى 500 شارشى مەتر جانە 4 گەكتار بولاتىن ەكى وشاقتا قۇرعاق ءشوپ ورتەندى. ءورت ساعات 14.40-تا ءسوندىرىلدى. زارداپ شەككەندەر مەن قازا تاپقاندار جوق»، دەدى ۆەدومستۆو وكىلدەرى.

 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار