وقيعا • 28 مامىر، 2022

پاۆلودار تۇرعىنىنىڭ اتىنان اپكەسى 1 ملن تەڭگەگە نەسيە راسىمدەگەن

42 رەت كورسەتىلدى

63 جاستاعى ايەل پاۆلودارلىق تۋىسىنىڭ ۇيالى تەلەفونىنان بانككە قوڭىراۋ شالىپ نەسيە راسىمدەگەن، دەپ حابارلايدى Egemen.kz پاۆلودار وبلىستىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.



«بيىل ناۋرىزدا پاۆلودار تۇرعىنى وسكەمەننەن كەلگەن اپكەسىنە قوناققا بارعان. 63 جاستاعى وسكەمەندىك تۋىسى قوڭىراۋ شالۋ ءۇشىن ۇيالى تەلەفونىن سۇراپ، باسقا بولمەگە كەتىپ قالادى. كەيىن انىقتالعانداي، اپكەسى پاۆلودارلىق تۋىسىنىڭ اتىنان بانككە حابارلاسىپ، 1 ملن تەڭگەدەن استام سوماعا نەسيە راسىمدەگەن. زارداپ شەگۋشى بولعان جايت تۋرالى بانك قىزمەتكەرلەرى نەسيەنىڭ تولەنبەۋىنە قاتىستى حابارلاسقان كەزدە بىلگەن»، دەلىنگەن رەسمي حابارلامادا.

قازىر قىلمىستىق كودەكستىڭ 190-بابىنا سايكەس الاياقتىق فاكتىسى بويىنشا سوتالدى تەرگەۋ امالدارى ءجۇرىپ جاتىر.

«كۇدىكتىگە قاتىستى «كەلۋ مىندەتتەمەسى» پروتسەسسۋالدىق ماجبۇرلەۋ شاراسى تاڭدالدى. وسى ورايدا پوليتسيا قاۋىپسىزدىك شاراسىن ساقتاۋعا شاقىرادى. ۇيالى تەلەفوندى بوگدە كىسى اشا الماۋى ءۇشىن قۇپياسوز قويىڭىزدار. جەكە دەرەكتەر مەن پين-كودتى بىرەۋگە بەرمەڭىزدەر»، دەگەن ەسكەرتۋ جاسادى اتالعان ۆەدومستۆو.

 

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار